Ella Pangilinan pinuna ang news outlets na nagbabalita ng ‘fake news’

PHOTO: Instagram/@ellapangilinanx

“HOW is that responsible journalism?”

Ito ang naging hinaing ng kapatid ni Donny Pangilinan na si Ella matapos ibandera sa kanyang Instagram Stories ang pagpuna sa mga balita na mula lamang sa tsismis na hindi totoo.

Hindi pinangalanan ni Ella kung ano-ano ang mga news outlets na ‘yun, pero kinukwestyon niya kung paano ito naging responsableng pamamahayag.

“Something I find really crazy about supposedly reputable [Philippines] news outlets is that they can make ‘news’ out of chismis or stories that are entirely untrue. How is that responsible journalism?” caption niya sa IG, kalakip ang litrato na kasama niya ang kanyang fur baby.

Baka Bet Mo: Ella Pangilinan nag-explain sa ‘di pagdalo ni Sofia Andres sa kanyang kasal

PHOTO: Instagram Story/@ellapangilinanx

Kamakailan lang ay naging lamang ng mga balita si Donny matapos ichika ng showbiz insider na si Ogie Diaz sa “Showbiz Update” ang naikwento sa kanya ng source na diumano’y pinormahan ng binata ang award-winning actress na si Kathryn Bernardo noon.

“Minsan pala, e, pinormahan nitong isang young actor si Kathryn. As in niligawan,” pagbabahagi ni Ogie.

Natanong naman ni Mama Loi kung kailan ang naganap ang pagporma ni Donny kay Kapamilya actress.

“Hindi, wala na si Daniel at si Kathryn,” sagot ni Ogie.

Pagpapatuloy niya, “E ’di ba ’yong dati, ’di ba nag-viral pa ’yon? ’Yong inaalok pa si Kathryn ng ano, softdrinks, kasi baka nakainom si Kathryn, pampababa ng tama or something… ’Di ba, ‘yong inalok siya ng softdrinks.”

Kung matatandaan, naging viral noong kasal nina Robi Domingo at Maiqui Pineda ang tila pagbabantay ni Donny kay Kathryn habang nagsasaya ito sa ginanap na reception.

Ngunit sinabi ni Ogie na ang panliligaw ay hindi na natuloy matapos ang mga kumalat na balita noon sa dalawa.

Tingin ng showbiz insider, marahil ay na-realize ng aktor na baka walang magandang patunguhan dahil mayroon rin siyang ka-love team na si Belle Mariano.

Until now, wala pang paglilinaw si Donny kung true nga ba na may naganap na ligawan sa pagitan nila ni Kathryn.