Yasmien Kurdi naka-graduate ng ‘culinary’ kahit buntis: I can’t believe it!
PHOTO: Instagram/@yasmin_kurdi
HINDI makapaniwala ang aktres na si Yasmien Kurdi sa latest achievement niya sa buhay.
Natapos na niya kasi ang kursong culinary arts kahit ipinagbubuntis niya ang second baby nila ng mister na si Rey Soldevilla, Jr.
Sa Instagram, proud na ibinandera ni Yasmien ang ilang moments ng kanyang graduation day sa Academy of Pastry and Culinary Arts (APCA).
Makikita pa sa pictures na present ang kanyang asawa at panganay na anak na si Ayesha Zara.
“[I] can’t believe it! I thought I couldn’t do it because of my pregnancy but I did it! I’m so happy!” caption niya.
Baka Bet Mo: Yasmien Kurdi naloka matapos magkamali ng pinasok na tent sa taping: ‘Set po ito nina Bea Alonzo…’
Wika pa niya sa post, “Good thing the baby in my tummy was cooperative the whole time while I was in class.”
Sinabi din ng aktres na worth it ang kanyang maternity leave dahil may na-achieve siya.
“Naging productive ang #MaternityLeave ko because I gained new skills and knowledge,” sey niya sa IG.
Ani pa niya, “I enjoyed every baking pastry class! Nakaka relax siya for me.”
Bandang huli ay lubos niyang pinasalamatan ang kanyang mga guro, classmates, batchmates at pamilya na tumulong sa kanya upang maabot ang recent milestone.
View this post on Instagram
Kung matatandaan, noong Enero lamang nang ibinalita ni Yasmien na pumasok ulit siya sa eskwelahan upang mag-aral ng baking.
Ayon sa aktres, dream come true ang kinuha niyang kurso dahil matagal na niya itong gustong matutunan.
Magugunita naman noong Nobyembre nang inanunsyo ng Kapuso star at ng kanyang non-showbiz husband na magiging ate na ang kanilang panganay na anak.
Ibinahagi nila sa social media ang latest family picture na makikitang hawak ng aktres ang resulta ng pregnancy test, habang si Rey naman ang nagpakita ng sonogram.
January 2012 nang ikinasal ang mag-asawa at November 2012 naman nang isinilang nila si Ayesha.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.