Yasmien Kurdi dalawang dekada na sa showbiz, nag-uwi ng mga parangal: Always keep that fire burning!
PHOTO: Instagram/@yasmien_kurdi
IBINANDERA ng Kapuso actress na si Yasmien Kurdi ang kanyang latest milestone.
Kasabay ng kanyang pagdiriwang ng 20th anniversary sa showbiz industry ay kaliwa’t-kanang pagkilala ang nakuha ng aktres.
Ito ang “Outstanding Woman of Inspiration with Significant Achievement in Philippine TV and Film” na mula sa Crystal International Women’s Awards, at ang “Most Outstanding Female Celebrity & performing Artist” na nanggaling naman sa Philippine Social Media Awards.
Sa Instagram, proud na ipinakita ni Jasmien ang mga awards na nakuha niya sa isang gabi lamang.
Pagmamalaki niya sa caption, “One night, two recognitions from two different award giving bodies.”
“I am truly grateful and humbled,” saad pa niya.
Nabanggit pa ng aktres ang mga natutunan niya sa industriya matapos ang dalawang dekada.
Baka Bet Mo: Yasmien, Nadine muling magsasama sa ‘bardagulang’ serye ng GMA na ‘The Missing Husband’ makalipas ang 10 taon
Ayon sa kanya, ilan diyan ay ang patuloy na mangarap, maniwala at matuto.
“This year marks my 20th anniversary in showbiz. Two decades in the business – I learned that you should never stop dreaming, believing and learning; Improve your craft, and listen to people who would help you better yourself to reach your goals in life,” caption niya sa IG.
Dagdag pa niya, “Always keep that fire burning!”
View this post on Instagram
Bumuhos naman ang mga pagbati ng netizens, pati na rin mula sa ilang batikang mga artista.
“Congratulations! [smiling face with heart eyes emoji],” sey ng singer-actress na si Jessa Zaragoza.
“[clapping hands emojis] Congratulations girl [red heart emojis],” ani ng aktres na si Gina Alajar.
Matatandaan noong Pebrero lamang ay kinilala siyang “Best Actress 2022” sa 3rd Southeast Asian Achievements Awards.
Related Chika:
Yasmien niregaluhan ni mister ng bagong sasakyan: Dream car ko talaga siya!
Lolit Solis tuloy ang pambabasag kay Bea Alonzo: Kapag katabi niya si Yasmien Kurdi mukha siyang…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.