Nikki Valdez 5 years naka-share ng dressing room si Gloria Romero
Gloria Romero at Nikki Valdez
NAGDIRIWANG ng kanyang 46th birthday nitong nagdaang weekend ang aktres na si Nikki Valdez nang mabalitaan niyang pumanaw na ang tinaguriang First Lady of Philippine Cinema na si Gloria Romero.
Kaya naman nabihiran ng kalungkutan at panghihinayang ang kanyang selebrasyon dahil naging malapit din siya noon sa yumaong TV at movie icon.
Sa pamamagitan ng Instagram, binigyang-pugay ni Nikki si Tita Glo na nakasama niya sa dating sitcom ng ABS-CBN na “Okay Fine, Whatever!” na ipinalabas noong 2002.
Mensahe ni Nikki, “I was in the middle of my birthday dinner when I found out about your passing so it took awhile for me to process everything…
Baka Bet Mo: Gloria Romero muling nakausap ang dating guro na 100 years old na ngayon: Nakakaiyak naman po…
“It’s never easy to accept news like this but I would like to remember you and let everybody know how blessed and grateful I am that I had the chance to work with you in this lifetime,” bahagi pa ng kanyang pa-tribute kay Tita Glo.
Binalikan din ng aktres ang araw nang i-launch ang 4th batch ng ABS-CBN Star Circle taong 1997. Tandang-tanda pa ni Nikki ang naging sagot niya sa presscon para sa isang question na ibinato sa kanila.
View this post on Instagram
“I will never forget that during the press launch of Star Circle Batch 4, a reporter asked, ‘Ten years from now, how do you see yourself in showbiz and how long would you want to be in the business?’
“And I happily answered, ‘Gusto ko po parang si Ms. Gloria Romero na kahit sa edad niya, busy pa rin siya at kayang-kaya niya pa.’ That’s why when I found out na laging magkadikit ang characters natin sa Okay Fine, Whatever!, tuwang tuwa ako. We even shared a dressing room for 5 long years,” sey ni Nikki.
Sa huli, nagpasalamat ang aktres sa lahat ng mga aral ng buhay na natutunan niya sa yunaong aktres, “Tita Glo, THANK YOU for everything you taught me—from how I should be professional, to all the life lessons we would talk about.
“Sa’yo ko natutunan maglabel sa hanger ng continuity ng damit (yes, she would do all that on her own), maging on time lagi sa set, na huwag lalabas ng hindi nakaayos (kasi ganon daw sila noon during her Sampaguita days) AND to ALWAYS keep a little for myself, be a good role model and humble lang palagi.
“Ang dami ko pang fond memories of you pero kulang na kulang ang space para malaman nila that you truly are a beautiful person inside and out.
“Rest in God’s loving arms now, Tita—my Lola Barbie. I will always be your grateful Camilla,” mensahe pa ni Nikki sa Queen of Philippine Cinema.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.