Gloria Romero walang ‘paramdam’ sa anak at apo na mamamaalam na

Gloria Romero, Maritess Gutierrez at Chris Gutierrez

WALANG kahit anong paramdam o premonisyon sa kanyang pamilya ang pamamaalam ng Queen of Philippine Cinema na si Gloria Romero.

Hindi napigilan ng nag-iisang anak ni Tita Glo na Maritess Gutierrez at ng kanyang apong si Chris Gutierrez ang maluha nang alalahanin ang mga huling sandali ng pumanaw na movie at TV icon.

Sumakabilang-buhay ang Reyna ng Pelikulang Pilipino nitong January 25, 2025 sa edad na 91. Patuloy ang pagluluksa ng buong entertainment industry sa pagkamatay ng isa sa mga haligi ng showbiz.

Sa burol ni Tita Glo sa Hall A ng Arlington Memorial Chapel, sa Araneta Avenue, Quezon City, kamakalawa, January 26, nakapanayam ng media ang mag-inang Maritess at Chris.

Sabi ni Maritess parang normal na araw lamang sa kanila noong mamaalam ang  beteranang aktres, “Every day kasi nag-uusap naman kami ni Mama, so walang habilin na ganu’n.

Baka Bet Mo: Gloria Romero naging ekstra muna sa ‘Bernardo Carpio’ bago naging reyna

“Through the years, she tells me everything, how to be a right person, every day siya nagbibilin ng lahat. So, wala yung mga bilin na ‘magmahalan kayo,’ ganyan, walang ganu’n,” ani Maritess.

Kuwento naman ni Chris about her loving lola, “Naalala ko po, one of the last conversations me and lola had, she said, ‘Chris, matanda na ako, wala na akong mabibigay sa iyo, nabigay ko na sa ‘yo lahat.’

“And then I was telling her, ‘Lola, ang dami mo nang nabigay sa amin, it’s okay, you already gave us so much. Thank you for everything.’

“Until the last moment, she was still trying to give pa rin. That’s the kind of person my lola is, e. She just gives everything from herself. You can see it naman po, that’s why everybody loves her,” aniya pa.

Pagpapatuloy ni Maritess habang umiiyak, “Lahat (mami-miss ko) kasi Mama ko siya, e. Mama ko siya, we’re really close. I tell her everything and she tells me things na hindi maganda na dapat gawin.

“Although may sarili naman akong character, but hindi siya nagkukulang na magbigay ng advice. Most of all, I miss her jokes, lola’s joke. Having her in the house, kasi tatlo lang kami, e, so we have fun in the house, masaya kami.”

Pagbabahagi muli ni Chris tungkol sa mga katangian ni Tita Glo na talagang nagmarka sa kanya, “Ang pinaka-admirable from my lola is the way she carries herself, work ethic.

“My lola is such a skilled actress po. Sinasabi po yon ng ibang tao about her. The things that people say about my lola is she’s a nice person. She’s always on time.

“She treats everybody the same, she gives really good advice, and she’s there for everybody. She knows her lines, she knows everybody’s lines. You better be ready if you’re working with Gloria Romero.

“She’s an amazing person talaga. I’m so proud of my lola, I’m so happy to be her apo. I hope everybody would experience a love that came from somebody like that,” lahad ni Chris.

Mensahe naman ni Marites sa lahat ng nagmamahal kay Tita Glo, “Thank you everybody for loving my mom. Nu’ng araw, yung mga senior people. Ngayon, mga bata, because of GMA nabigyan siya ng (Daig Kayo ng Lola Ko).

“So, ang lawak ng age gap ng mga fans ni Mama, from matanda to children. I think my mom was able to deliver and give herself until up to her 70th year.

“Imagine, yung mga bata naabutan pa nila si Mama. Thank you sa senior stars that are always there for my mom and even the young ones.

“I think everybody loves my mom. Hindi po ako nagyayabang pero mahal po siya ng lahat ng tao. Me and Chris, we thank you for that,” pahayag pa ng anak ni Tita Glo.