Nikki Valdez na-trauma sa relasyon nila ni Troy Montero: Ang daming na-shock!
Troy Montero at Nikki Valdez
MATINDING trauma ang naranasan ng seasoned actress na si Nikki Valdez nu’ng maging dyowa niya si Troy Montero.
Sobrang pambabagsak at pambabatos daw ang inabot niya nang aminin nila ng hunk actor that time ang kanilang relationship.
Kaliwa’t kanang panlalait at pang-ookray ang na-experience niya mula sa mga supporters ni Troy na talagang sumikat noong panahong yun at pinagpapantasyahan ng mga girls at mga beki.
Sa panayam ng “Fast Talk with Boy Abunda” kay Nikki na napapanood ngayon sa Kapuso series na “Lolong: Bayani ng Bayan”, binalikan niya ang pakikipagrelasyon kay Troy.
Sey ni Nikki, “difficult” ang pagsasama nila ni Troy, “Alam mo na naman na ‘to, Tito Boy, at saka pinag-uusapan na lang natin ‘to. Hindi na para maapektuhan pa tayong lahat.
“But you know this very well that during that time, it was his peak, the peak of his career and ang daming na-shock na ‘Bakit siya?’ Bakit daw ako,” pagbabahagi ng aktres.
View this post on Instagram
Marami raw ang nagkokomento na ang mga foreigner daw talaga na tulad ni Troy ay mahilig sa mga babaeng tulad ni Nikki (exotic daw). Super nahe-hurt daw siya kapag nakakarinig at nakakabasa siya ng mga ganu’ng pahayag.
“My Kuya then was in college and I remember he told me, napanood niya ‘yung isang interview sa TV na ‘yun na nga, ‘yung parang ‘Bakit si Nikki Valdez? Ang mga foreigner talaga mahilig sa mga ganiyan.’ So nasaktan ‘yung Kuya ko for me,” sey ni Nikki.
Umabot pa raw siya sa puntong hindi na siya nagbabasa ng dyaryo o mga magazine para hindi na siya masaktan at maapektuhan.
“Kung meron man, hindi ako nag-o-open ng entertainment section. Na-trauma talaga ako,” aniya pa.
View this post on Instagram
Sabi pa ng aktres, kung ngayon daw siguro nangyari ang pambabatikos sa kanya, na meron nang social media, baka hindi kayanin ng kanyang mental health.
“Bagsak, negative talaga kasi hindi ko alam paano umabot sa ganu’n. Siyempre nu’ng time na ‘yun, love lang tayo, tao lang naman tayo, and I believed na ours were a genuine kind of love,” lahad pa ni Nikki.
Kasunod nito, nagbigay naman ng pahayag si Tito Boy sa pinagdaanan ni Nikki, “People trying to define who you are, people trying to define your relationship, people trying to define your beauty.
“Kasalanan mo ba? I would joke about it once in a while pero kasalanan ba ng isang tao kung hindi nakikita ng kapwa ang kaniyang kagandahan?” hirit ng King of Talk.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.