Yassi love na love si Luigi Villafuerte: You are the water of my life!
Yassi Pressman at Luigi Villafuerte
MULING ibinandera ng actress-TV host na si Yassi Pressman sa buong universe ang kanyang pagmamahal kay Camarines Sur Gov. Luigi Villafuerte.
Super proud na ipinagsigawan ni Yassi sa publiko kung gaano siya kasaya sa piling ng bago niyang boyfriend sa pamamagitan ng social media.
Baka Bet Mo: ‘Holding legs’ photo nina Yassi Pressman at Luigi Villafuerte viral na: ‘Akala ko sa kambiyo nakahawak si Gov!?’
Sa kanyang Instagram account, ipinost ng leading lady ni Ruru Madrid sa Kapuso primetime series na “Black Rider” ang isang video kung saan mapapanood ang pinagdugtung-dugtong na photos nila ni Luigi sa beach.
View this post on Instagram
Maririnig sa background ang kantang “Ikaw Lang Patutunguhan” ni Amiel Sol. Nakasulat din sa video ang lyrics ng song.
“Di mawawala
“Gabay ang kalawakan
“Dama ang pananabik
“Ako’y papalapit na, giliw
“Parating nang dapithapon
“At kay sarap umuwi, sa’yo
“Kaya tuwing gabi
“Ako’y nananalangin dahil
“Kay palad na ikaw
“Ang kapiling ko sa ilalim ng buwan
“At kay saya na ikaw ang katabi ko sa pagsikat ng araw.”
Ang nakasaad naman sa caption ni Yassi sa nasabing IG reel, “You are the water of my life @vincenzo.luigi & i miss you all the time (heart-hands emoji).”
In fairness, marami ang kinilig sa ibinahaging video ni Yassi at halos lahat ay nagsabing sana’y si Luigi na nga ang itinadhana para sa aktres dahil feel na feel nilang super happy ito sa bago niyang lovelife.
Baka Bet Mo: Yassi, Luigi nagpakilig sa ‘kissing’ video, ‘in a relationship’ na nga ba?
Matatandaang last February 21 ay ibinandera naman ni Luigi sa madlang pipol ang pagmamahal niya kay Yassi na tinawag pa niyang “love of my life”.
View this post on Instagram
“I truly believe pag inspired, lahat possible. Kaya I want to thank the love of my life for supporting this event. Babe, maraming-maraming salamat. Thank you, I love you so much.
“Thank you. Mwah. I love you babe. Let’s give her a round of applause!” ang sabi ng politiko sa kanyang speech para sa isang sports event sa Camarines Sur.
Ipinost ng aktres sa kanyang IG ang nasabing video na may caption na, “Aysuuuus namaaan my heart.
you’re the sweetest @vincenzo.luigi (crying in tears emojis).”
Sa isa pang post ni Yassi sa IG last February 8, ibinandera niya ang ilang sweet moments nila ni Luigi mula sa isang local fashion event sa National Museum of the Philippines kabilang na riyan ang kanilang kissing video.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.