Katy Perry all-out support kay Taylor Swift, present sa ‘Eras Tour’
PHOTO: Instagram/@katyperry
IBINANDERA ng international singer na si Katy Perry na maayos na maayos na ang relasyon nila ng kaibigang pop superstar na si Taylor Swift.
Sa Instagram, proud na ipinakita ni Katy ang all-out support kay Taylor kung saan masaya siyang nanood ng “Eras Tour” ng huli.
Ibinida ng singer ang ilang litrato sa naganap na concert sa Sydney, Australia, pati na rin ang ilang video clips na sinasabayan ni Katy ang ilang hit songs kagaya ng “Lover” at “Bad Blood.”
“Got to see an old friend shine tonight [heart, sparkling emojis],” caption niya sa post.
Baka Bet Mo: UP Diliman nagbukas ng bagong kurso na naka-focus kay ‘Taylor Swift’
View this post on Instagram
Kung matatandaan, nagsimula ang hidwaan ng dalawang pop icon matapos sila magkaroon ng misunderstanding pagdating sa backup dancers.
Noong 2014, nagkaroon ng pa-blind item si Taylor sa isang panayam na kung saan inilahad niya na ang kantang “Bad Blood” ay tungkol sa isang female artist na ninakaw ang tatlong dancers niya.
“She basically tried to sabotage an entire arena tour. She tried to hire a bunch of people out from under me. And I’m surprisingly non-confrontational—you would not believe how much I hate conflict. So, now I have to avoid her. It’s awkward, and I don’t like it,” sey ng pop superstar.
Taong 2017 naman nang kinumpirma ni Katy na may isyu sila ni Taylor matapos ilabas ang single na “Swish Swish” bilang reply umano sa “Bad Blood” song ng huli.
Baka Bet Mo: Pacman suportado ang showbiz career ng 2 anak: Never kaming tumutol sa mga pangarap nila
“I do the right thing any time that it feels like a fumble. It was a full shutdown and then she writes a song about me, and I’m like, ‘OK, cool, cool, cool. That’s how you want to deal with it? Karma!’” sambit ni Katy.
Ani pa niya, “She started it, and it’s time for her to finish it.”
Makalipas ang isang taon ay nagkaayos na ang dalawa na kinumpirma mismo ni Tay Tay sa isang interview.
“She and I have really been on good terms for a while,” pagbubunyag ng singer sa British radio show na “Capital Breakfast.”
Chika pa niya, “We saw each other at a party and walked up to each other and hugged it out and talked about things, and then we saw each other again and hung out at another party and it was just like something felt so much lighter about my life when things became really good between us.”
Noong 2019 nang magkasama sa isang music project ang dalawa.
Tampok sila sa music video ni Taylor na “You Need to Calm Down.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.