FranSeth trending, bumida sa ‘Tayo Na Lang’ music video ng bandang Nobita
PHOTO: Courtesy Sony Music Entertainment
SA mga nag-aabang diyan at gustong masilayan ang FranSeth sa isang proyekto, your wish is granted!
Bidang-bida ang love team na sina Francine Diaz at Seth Fedelin sa kakalabas lang na music video na may titulong “Tayo Na Lang” ng OPM band na NOBITA.
Mapapanood na nagkaroon ng slumber party ang isang grupo ng magkakaiba at kasama riyan ang FranSeth.
Nakasentro ang kwento ng dalawa bilang magkaibigan na may lihim na pagtitinginan sa isa’t-isa.
Baka Bet Mo: Francine Diaz tiniyak na alive na alive pa rin ang ‘FranSeth’ love team
As of this writing, wala pang isang araw ang nasabing video sa YouTube, pero nasa number 20 trending for music na ito.
Maraming fans din ang kilig na kilig at natutuwa dahil nasilayan nilang magkasama ang dalawa.
Narito ang ilan sa mga nabasa namin sa comment section:
“Thank you Nobita for having FranSeth! Ganda ng music video nakaka-inlove done watching hinintay ko talaga love it!”
“Super swak yong kanta sa #FranSeth. Thank you Nobita [heart hands emojis].”
“Ang ganda ng kanta at ‘yung visual ng FranSeth grabe [blue heart emojis]”
“Finally, grabe ‘yung chemistry ng FranSeth..hoping more MV pa sila [blue hearts emojis]”
Ayon sa MV director na si Jeff Valencia, sina Francine at Seth ang first choice talaga ng banda para sa music video.
“The members of NOBITA are fans of Franseth,” pagbubunyag ng direktor sa pamamagitan ng inilabas na pahayag ng Sony Music Entertainment.
Sey pa niya, “But more than their preference, there’s something about Francine and Seth that exudes both chemistry and enigma. It felt like the song was specifically written for them. That’s how good and natural their performance was.”
Baka Bet Mo: SB19, Nobita ginawan ng sariling version ang ilang ‘classics’ ng Eraserheads
Just in time for the Valentine season, mapapakinggan na ang kantang “Tayo Na Lang” sa lahat ng digital music platforms.
“We just want to make songs that reflect the state that we’re in,” pagbabahagi ng NOBITA sa isang press statement.
Ani pa nila, “We also care about delivering good songs that stand the test of time. We hope ‘Tayo Na Lang’ makes the cut and will be remembered as the song that inspired our audience in a positive way.”
Ito na ang ikalawang beses na bumida sa music video ang sikat na loveteam kung saan ang una nilang pinagtambalan ay ang 2022 viral hit na “Muli” ng singer na si Ace Banzuelo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.