Ariella Arida may inamin tungkol sa kanila ni Willie Revillame, naging magdyowa nga ba?
Willie Revillame at Ariella Arida
SUMUSUMPA ang actress-TV host at dating beauty queen na si Ariella Arida na never silang nagkaroon ng relasyon ni Willie Revillame.
Natsismis kasi noon si Ariella sa TV host-comedian nang maging bahagi siya ng game show nito noon sa GMA 7 na “Wowowin“.
Ilang taon din siyang naging co-host sa naturang programa kaya naging close rin sila sa isa’t isa pero ipinagdiinan ng dalaga na hindi sila naging magdyowa kahit kailan.
“Wala talaga, promise,” ang pahayag ni Ariella sa chikahan nila ng dating TV host na si Butch Francisco.
View this post on Instagram
Kasunod nito, inalala ni Ariella kung paano sila unang nagkakilala ni Willie at kung paano siya napasok sa “Wowowin.”
“Napanood nila ako sa ‘Family Feud.’ Gusto niya na akong kuning host. Tapos, nag-meeting na kaagad kami kasama ko yung ibang friends ko kasi nasa dinner ako,” kuwento ng aktres.
Diretsahan din daw siyang tinanong ni Willie kung may dyowa na siya, “Tinanong niya kaagad, ‘May boyfriend ka?’
Baka Bet Mo: Ariella Arida sa halikan nila ni Lassy: Pinakamalansa sa lahat ng malansa!
“Nu’ng time na yun may boyfriend talaga ako, wala akong magagawa. So sabi ko, ‘Ay meron.’ In fairness naman kay Kuya, kapag may boyfriend, wala talaga.
“Naniniwala ako, ang dami ko nang nakasama sa industry, nasa tao talaga yun, how you present yourself.
“May kilala kasi ako na malapitin sa ganu’n tapos parang they don’t know how to get away with it. Ako nasa tao talaga. Kung ayaw mo talaga, ayaw mo ‘di ba?” chika pa ni Ariella.
View this post on Instagram
Samantala, nabanggit din ng dalaga na napakataas ng respeto niya kay Willie dahil bukod sa pinagkatiwalaan siya nito bilang TV host, ay marami rin siyang natutunan pagdating sa propesyonal at personal na buhay.
“Sinasabi ko rin all high regards kay Kuya Wil. Kasi in all fairness sa kanya talaga din ako natuto.
“Siya ang nagbigay ng chance sa akin mag-host, kung paano magsalita, makisalamuha sa masa. I did the job for two years din,” aniya pa.
Inamin naman ni Ariella na hanggang ngayon ay magkaibigan pa rin sila ni Willie at totoong nagkasama sila ni Willie recently at ng iba pa nilang mga kasamahan sa “Wowowin.”
“Kakasama ko lang, nag-aya mag-beach sa Palawan kasama yung mga dati naming kasamahan,” chika pa ni Ariella Arida.
Ariella Arida kay Miss Universe PH Bea Gomez: I have nothing against her being openly gay
Vice todo pasalamat kay Rabiya; Ariella nasayangan sa mukha ni Miss Philippines
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.