SB19 may pasabog na bagong album, world tour sa Hunyo; Pepe Herrera tampok sa ‘patikim’ ng grupo
PHOTO: Courtesy Sony Music
TRENDING sa social media ang Pinoy pop sensation na SB19!
‘Yan ay matapos nilang i-anunsyo na may aabangang pasabog ang fans sa darating na Hunyo.
Maglalabas kasi ng bagong album ang P-pop kings na may titulong “Pagtatag.”
May ibinandera pa nga silang pasilip para diyan na kung saan ang setting nito ay mala-post-apocalyptic at tungkol sa isang “binhi” na pinipilit nilang mabuhay upang mailigtas ang mundo.
“The trailer proceeds as everyone conducts different experiments to try and salvage their last hope. In the end, the only answer to the plant’s propagation is their own blood,” kwento ng grupo sa inilabas na pahayag ng Sony Music.
Mapapanood rin na nagkaroon ng special appearance ang comedian-actor na si Pepe Herrera.
“Pepe Herrera is one of the actors that we truly admire,” sambit ng award-winning Filipino boyband.
Baka Bet Mo: SB19 pasok sa listahan ng Best Modern Boy Bands, tinawag na ‘trailblazers for new generation of Pinoy music’
Chika pa nila, “Though we were not able to spend much time with him, he was very professional. But there’s something about him that, even when he’s serious, he’s still gave a funny vibe. It was very easy working with him. It was just a fun experience.”
Ibinunyag din ng grupo na asahan ang iba’t-ibang genre at music style sa kanilang album.
Bukod diyan ay magkakaroon pa ng “world tour” ang P-pop kings na mangyayari sa Pilipinas, pati na rin sa United States, Canada, at marami pang lugar.
Magsisimula ‘yan sa June 24 sa Araneta Coliseum sa Cubao, Quezon City.
Narito ang listahan ng kanilang tour dates:
• June 24-25, 2023 – Manila
• July 21, 2023 – Chicago, IL
• July 22, 2023 – Dallas, TX
• July 28, 2023 – SFO
• July 29, 2023 – LA
• Aug 5, 2023 – NYC
• Aug 6, 2023 – Washington DC
• Aug 11, 2023 – Toronto
• Aug 13, 2023 – Winnipeg
• Aug 18, 2023 – Vancouver
• Aug 19, 2023 – Edmonton
Related Chika:
Pepe Herrera kering-keri ang pagiging kakambal ni Piolo: OK naman, normal lang…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.