Pamungkas, Scrubb sanib-pwersa sa PH-only concert sa Abril

PHOTO: Courtesy of GNN

ISANG espesyal na one-day music event ang sorpresa ng GNN para sa ika-sampung anibersaryo nito.

Bibida sa iisang entablado ang dalawang bigating Southeast Asian artists: Pamungkas ng Indonesia at Scrubb ng Thailand!

Ang #GNN10 Presents: Pamungkas and Scrubb Live in Manila ay gaganapin sa April 26 sa 123 Block, Mandala Park sa Mandaluyong City. 

Ito ay isang eksklusibong co-headline show na tanging sa Pilipinas lang mangyayari bilang bahagi ng kanilang year-long music campaign.

Hindi biro ang sampung taon sa industriya, kaya naman todo ang GNN sa pagpapakilala ng lokal at Asian artists sa kanilang mga proyekto. 

Baka Bet Mo: Eraserheads 3 araw ibabandera ang docu film na ‘Combo on the Run’

Nagsimula ang kanilang selebrasyon ngayong taon sa mga sold-out concert tulad ng Regina Song: Live in Manila at Tanaw: The Repeat sa Newport Performing Arts Theater. 

At ngayong Abril, mas titindi pa ang saya sa isang epic na pagsasanib-pwersa nina Pamungkas at Scrubb!

Parehong may matibay na fanbase sa Pilipinas ang dalawang headliners na ito. 

Si Pamungkas ay kinilala sa buong rehiyon dahil sa kanyang hit song na “To The Bone” na umabot sa No. 5 sa Spotify PH charts. 

Samantalang ang Scrubb, na pinasikat ng “2gether The Series,” ay walang kupas sa kanilang nakaka-hook na alt-pop sound na minahal ng marami.

Hindi ito ang unang beses na dinala ng GNN ang dalawa sa bansa.

Noong 2022 bumisita na sa Pilipinas si Pamungkas, habang 2024 naman para sa Scrubb. 

Sa isang opisyal na pahayag, ibinahagi ng GNN Creative Director na si Marie Lara Pauline Bobier kung gaano kahalaga ang event na ito sa kanilang team.

“We are incredibly excited to bring Pamungkas and Scrubb back to the Philippine stage,” sey niya sa isang official press statement. 

Patuloy niya, “This anniversary celebration marks an important milestone for me, Ian, and Milley, and reflects how far we’ve come from our humble beginnings. It is a testament to our younger selves that passion, dedication, and perseverance pay off.”

Kwento pa ng GNN creative director, “We started with nothing—personally cutting tickets, selling them through meet-ups with strangers, carrying our extension cords and electric kettles to gigs and concerts—all while holding onto our day jobs.”

“GNN has never been just about numbers; it has grown through shared experiences and memories. Our artists, gig and concertgoers, and dedicated production team have created moments that will last a lifetime,” patuloy niya.

Aniya pa, “GNN has always been, and will always be, for those who live and breathe entertainment. We are truly grateful that, through our company, we have the privilege of bringing together the artists we admire with the fans who love them just as much.”

Ang tickets para sa para sa #GNN10 Presents: Pamungkas and Scrubb Live in Manila ay mabibila na sa https://scrubbpamungkas.helixpay.ph.