#CoupleGoals: DonBelle ‘King and Queen’ ng Star Magical Prom; FranSeth, Andrea-Ricci humakot ng awards
PHOTOS: Instagram/@starmagicphils
PASABOG at punong-puno ng ningning ang kauna-unahang Star Magical Prom!
Pak na pak rin sa pagrampa ng kanilang glamorosong mga kasuotan ang ilang sikat at bigatin na mga artista.
Bukod sa mga naggagandahang mga artista, inabangan din ng marami ang awarding ceremony na kung saan ay tatanghalin ang hari at reyna ng gabi.
Ang kinoronahang Prom King and Queen ay walang iba kundi ang celebrity couple na sina Donny Pangilinan at Belle Mariano.
Ang nakuhang award ng DonBelle ay base sa isinagawang fan vote kasabay ng event.
Bukod sa kanila, hakot-awards naman sina Francine Diaz at Seth Fedelin na nakuha ang “Most Viewed Promposal,” “Most Kilig Promposal,” at “Best Promposal 1st Runner-Up.”
Kung maaalala, ang surprise promposal ni Seth para kay Andrea ay ginawa habang sila ay nagkaroon ng romantic dinner kasama ang pamilya ng aktres.
Baka Bet Mo: Seth Fedelin hands on sa surprise, sinagot ng ‘yes’ ni Francine Diaz
Nakakuha naman ng dalawang awards ang couple na sina Andrea Brillantes at Ricci Rivero at naiuwi ang “Most Creative Promposal,” at “Best Promposal.”
Magugunitang naging maingay sa social media ang ginawang promposal ni Andrea kay Ricci na kung saan ay natulungan pa ang aktres ng K-Pop girl group na Blackpink na ayaing maging date si Ricci sa prom habang nanonood sila ng concert ng grupo.
Baka Bet Mo: Blackpink tinulungan si Andrea Brillantes sa paandar na ‘promposal’ kay Ricci Rivero: ‘He said YES!’
Ang “Best Promposal 2nd Runner-Up” naman ay napunta kina Jeremiah Lisbo at Kaori Oinuma.
Samantala, kung may King at Queen sa prom, nagkaroon din ng Prince and Princess para sa iba’t-ibang batch ng talent agency.
Narito ang kumpletong listahan:
-
Freshman Prince and Princess: Raikko Mateo and Krystal Mejes
-
Sophomore Prince and Princess: Mackie Empuerto and Jayda
-
Junior Prince and Princess: Reiven Umali and Anji Salvacion
-
Senior Prince and Princess: Brent Manalo and Vivoree
Ang Star Magical Prom ay naganap nitong March 30 sa The Bellevue Manila sa Alabang, Muntinlupa.
Related Chika:
Criza Taa ‘binasted’ ang ‘promposal’ ni Josh Worsley: Naa-appreciate ko lahat pero…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.