Jiggly Caliente ‘naputulan’ ng kanang binti, pahinga muna sa pagiging drag queen
PHOTO: Instagram/@jigglycalienteofficial
NAGPAPAGALING ang drag queen na si Jiggly Caliente matapos maputol ang kanang binti dulot ng nakuhang matinding impeksyon.
Ang balita na ‘yan ay ibinandera ng pamilya ni Jiggly o Bianca Castro sa tunay na buhay sa isang Instagram post kamakailan lang.
“Over the last month, Bianca has experienced a serious health setback. Due to a severe infection, she was hospitalized and, as a result, has undergone the loss of most of her right leg,” ayon sa pahayag.
Dagdag pa ng kanyang pamilya, si Jiggly ay hindi muna makakasama sa nalalapit na season ng “Drag Race Philippines” dahil sa kanyang kalagayan.
Para sa mga hindi aware, ang drag performer ay isang resident judge ng nasabing programa.
Bukod diyan, hindi na rin muna masisilayan si Jiggly sa iba pang public engagements.
“Her recovery will be extensive,” paliwanag ng pamilya.
Patuloy pa, “At this time, we kindly ask for privacy for Bianca and her family as they navigate this difficult journey together.”
“While Jiggly concentrates on healing, we invite her friends, fans, and community to uplift her with messages of hope and love on her social media channels,” sey pa sa post.
Ani pa, “Bianca’s family and drag house are deeply grateful for the continued outpouring of support, strength, and prayers.”
View this post on Instagram
Maraming mga celebrity ang nagbigay ng mensahe ng suporta at pagmamahal kay Jiggly sa comments section.
Kabilang dito sina Marina Summers, Eva Le Queen, at Manila Luzon na kapwa-drag performers.
Nagpaabot din ng “well wishes” ang mga beauty queen na sina Pia Wurtzbach at R’Bonney Nola, pati ang mga artista na sina Nadine Lustre at KaladKaren.
Bago naging hurado sa “Drag Race Philippines,” sumali si Jiggly sa ika-apat na season ng international reality drag competition na “RuPaul’s Drag Race,” at sa ikaanim na season ng “RuPaul’s Drag Race All Stars.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.