Ilang lugar sa Visayas, Mindanao positibo sa ‘red tide’ – BFAR

WALONG lugar sa bansa ang positibo sa tinatawag na “toxic red tide.”

Ito ang naging babala ng Bureau of Fisheries and Aquatic Resources (BFAR) sa publiko, lalo na sa Visayas at Mindanao.

Ang ibig sabihin niyan, ipinagbabawal na muna ang pagkain ng lahat ng klase ng alamang o shellfish dahil mayroon itong lason na dulot ng pagkakontamina ng lamang-dagat.

“Hindi ligtas kainin ang mga shellfish na nabanggit sa mga lugar dahil ito’y nakalalason,” sey ni Nazario Briguera, ang hepe ng BFAR Information and Fisherfolk Coordination Unit.

Narito ang listahan ng mga lugar na apektado ng red tide:

• Karagatan ng Masbate

• Karagatan ng Panay

• Karagatan ng  President Roxas

• Karagatan ng bayang ng Pilar sa Capiz

• Karagatan ng mga siyudad ng Dauis at Tagbilaran sa Bohol

• Karagatan ng San Pedro sa Samar

• Dumanquillas Bay sa Zamboanga del Sur

• Lianga Bay sa Surigao del Sur

Ayon sa BFAR, ligtas namang kainin ang mga isda, hipon, alimango at pusit.

Dapat lang daw ay hugasan at linisin nang mabuti at kailangang tanggalin ang hasang at kaliskis ng mga ito bago lutuin.

Samantala, inanunsyo naman ng Irong-irong at San Pedro Bay sa Samar na ligtas na sila sa red tide.

Read more:

Marian: May anak ako kaya kailangan kong maging matatag at malakas para sa kanila

27 patay, 11 sugatan sa patuloy na pag-ulan; PAGASA wala pa ring inaasahang bagyo sa bansa

Red tide sa ilang baybaying dagat, ibinabala ng BFAR