Wanted: Gaganap na Leni, Sara, Miriam at Digong sa part 3 ng Marcos movie ni Darryl Yap, sinu-sinong celebs ang babagay?
Leni Robredo, Rodrigo Duterte at Sara Duterte
GRAVE! As in grave na ‘to! Imagine, hindi pa man ipinalalabas ang part 2 ng “Maid in Malacañang” na “Martyr or Murderer” ay napakaingay na ng pelikula.
Kaya naman patuloy itong pinag-uusapan ng mga Marites all over the universe lalo na sa apat na sulok ng kashowbizan. Kanya-kanya ngang reaksyon ang mga Pinoy sa bagong pelikula ni Darryl Yap.
Ito’y pinagbibidahan pa rin nina Cesar Montano as former President Ferdinand Marcos, Ruffa Gutierrez bilang Imelda Marcos, Cristine Reyes as Imee Marcos at Diego Loyzaga bilang young Bongbong Marcos.
At ang the height, this early ay pinaghahandaan na rin ni Direk Darryl Yap ang part 3 ng kanyang Marcos trilogy movie, ang “Mabuhay Aloha Mabuhay” na mula pa rin sa Viva Films.
Naghahanap na ngayon ang controversial filmmaker ng mga artistang gaganap bilang si former Vice President Leni Robredo, Vice President Sara Duterte, dating Pangulong Rodrigo Duterte at former senator Miriam Santiago.
Sa kanyang Facebook page, in-announce nga ni Darryl ang naganap na initial casting meeting para sa 3rd movie installment ng kanyang Marcos movie.
“#MABUHAYalohaMABUHAY, the final chapter of my Marcos Movies,” simulang post ng young director.
“Characters to be casted…
1. Rodrigo Duterte
2. Inday Sara Duterte
3. Miriam Santiago
4. Leni Robredo
“Opo, naicast na po lahat ng Marcos Characters sa kanilang current Age, Only Ms. Eula pa lang ang narereveal,” sabi pa niya na ang tinutukoy ay si Eula Valdes na siyang gumaganap na Imee Marcos sa present day.
Nauna rito, ibinahagi ni Darryl Yap na last December pa ang deadline na ibinigay sa kanya ng Viva Entertainment para sa final casting ng “Mabuhay Aloha Mabuhay.”
“Habang nagbabyahe kami papuntang Pagudpud, tumawag ang boss ko at narealize ko na Dec 7 pala ang binigay ng Viva para sa final casting ko ng #MAM o MABUHAY ALOHA MABUHAY, ang part 3, kung saan aabot na ito sa pagkapanalo ni PBBM ngayong 2022.
“Aside from having artistas for the Marcoses sa kanilang current age, sumasakit ang ulo ko sa tanong na ito: Sino ang gaganap na RODRIGO DUTERTE, INDAY SARA DUTERTE, LENI ROBREDO, MIRIAM DEFENSOR SANTIAGO, ngumunguya na ako ng 4 na biogesic,” sabi pa ng direktor.
Marami naman ang nagbigay ng suggestions sa kanya, narito ang ilan sa mga nabasa namin.
“Yung casting very much similar sa The Crown!! Kabog!! Si Cherry Pie pwede maging Leni Robredo,
Philip Salvador is perfect for Duterte, Aiko Melendez as Inday Sarah.”
“Gretchen Barreto as Miriam Santiago Direk. Excited ako kung sino sino ang 3 sons.”
“OMG!!! Direeeeek. Perfect sa role of vp inday si Ms. Aiko Melendez or Ms. Karla Estrada.”
“Philip Salvador as Former Pres. Rodrigo Duterte (Same strong personality), Aiko Melendez as VP Sara Duterte ( Same aura), Amy Perez as Leni Robredo (Same na lutang) char! Juanita Galvez (Tita ni Daniela sa Kadenang Ginto) as Miriam Santiago.”
“Pag Leni direk its either Agot, Melai or Nikki Valdez, certified kakampink.”
“Philip Salvador as Pres Duterte… Leni as herself as you can’t find anybody else.”
“Toni Gonzaga as Leni or Alex Gonzaga.”
“Ms. Sylvia Sanchez as Leni… Ms. Aiko Melendez as VP Sara. Ms. Dimples Romana as Madam MDS. Kaya lang very loyal Kapamilya si Ms. Dimples.”
“For Prrd po I consider Edu Manzano, Inday Sara, anak ni Sylvia Sanchez, kay Leni si Cherry Pie Picache kaya lang puro kakampink eh.”
Kayo, dear BANDERA readers, sino ang naiisip n’yong perfect gumanap na Robredo, Sara, Leni at Digong?
Ai Ai Delas Alas ibinandera ang mga naranasan noon, excited sa pamumuno nina Bongbong at Sara
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.