Eraserheads wala nang reunion, sey ni Ely Buendia: We’re here to stay!
Eraserheads
SIGURADONG feeling happy ngayon ang mga fans ng OPM iconic band na Eraserheads dahil sa mga bagong pasabog at paandar ng grupo.
Una na nga riyan ang panibagong major concert ng Eraserheads sa SMDC Festival Grounds, Parañaque City, sa darating na May 31, 2025. Ito ang muling pagsasama ng banda matapos ang reunion concert nilang “Huling El Bimbo” noong December 22, 2022.
Ibinandera ang good news sa closing credits ng documentary film na “Eraserheads: Combo on the Run” na nagkaroon ng special screening last March 20, sa Gateway Cinema 5 Atmos, Cubao sa Quezon City.
Ayon sa mga nakapanood sa nasabing docu-movie, maganda ang pagkakabuo nito at napakarami pa nilang nalaman tungkol sa members ng EHeads na sina Ely Buendia, Raymund Marasigan, Buddy Zabala, at Marcus Adoro — mula nang mabuo sila at madisband noong 2002.
Pahayag ng producer na si Francis Lumen matapos ang naganap na screening, “This is again experiemental, no. You know, producing a concert and promoting it is quite a challenging task.
“One way, sabi namin, what about using the movie as a promotional tour to promote the May 31 Eraserheads Electric Fan Music Festival?
View this post on Instagram
“Which they, the band members, also will help promote the other OPM bands. And I think that’s a great gesture. May 31, abangan niyo yan,” aniya pa.
Pagsang-ayon naman ng Eraserheads vocalist na si Ely Buendia, “Yeah, medyo hindi pa namin napapag-usapan with the way you… but…I guess this is for the fans again. You wanted more.
“By this time, I think tama na yung reunion-reunion na yan. Wala nang huling Huling El Bimbo. We’re here to stay,” ang pahayag ni Ely na sinundan ng malakas na sigawan at palakpakan mula sa audience.
Hirit pa ni Ely, “Until we break up again. Yeah, we just wanted a new concept na parang, ‘Ahh, baka sila na naman yan,’ di ba?
“So we just wanted to have a music festival where our fans and the people, artists that we admire, can share the stage with us,” sabi pa ng singer-songwriter.
Sa tanong kung anong legacy ang nais ng Eraserheads na maidan sa music industry, “With regards to the band, I think it still remains to be seen how or what our legacy is.
“But in terms of the film, I think that the film leaves a legacy of parang the lesson that you should not give up on your friends.
“And kahit they leave the stage along the way, even sobrang sama ng mistake nila, or you think you’ve been hurt by someone…if they really, really are sincere of being redeemed, and really making the effort ahh to make things right, I think everyone deserves a second chance,” pahayag pa ni Ely.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.