Eraserheads ibinandera ang tunay na kwento ng pagsikat, pagkawatak, pagkakaayos
Eraserheads
HINDI lang tungkol sa reunion concert noong 2022 ang babandera sa kaabang-abang na rockumentary film na “Eraserheads: Combo on the Run.”
Kamakailan lang, naimbitahan ang BANDERA sa advance screening nito kasama ang ilang entertainment press na ginanap sa headquarters ng Warner Bros. Philippines sa Ortigas at diyan namin nasaksihan na isa itong kwento ng nostalgia, pagkakaibigan, at muling pagkakaayos ng isa sa pinakasikat na banda sa kasaysayan ng OPM.
Maraming madidiskubre sa banda, lalo na’t ipinasilip nila ang kanilang buhay sa likod ng entablado.
Dahil sa docu film, mas makikilala natin sina Ely Buendia, Raimund Marasigan, Buddy Zabala, at Marcus Adoro—mula sa kanilang college days, pagsikat, hanggang sa kanilang paghihiwalay at mga hinanakit sa isa’t-isa.
Ngunit higit sa lahat, makikita natin kung paano sila dahan-dahang nagkakaayos, hindi lang bilang banda kundi bilang magkakaibigan.
Baka Bet Mo: Ely sa tsismis tungkol sa ‘Spolarium’: I wouldn’t dream to tarnish my heroes
Sa ginanap na mini presscon after ng advance screening, ibinahagi ni Ely ang kanyang reaksyon matapos mapanood ang pelikula.
“I think I watched the very first cut… medyo iba pa ‘yung thrust of the narrative back then but even then I was already moved by the, of course, the nostalgia thing in our past,” sey niya.
View this post on Instagram
Isa sa mga pinakanakakagulat para sa kanya ay ang mga pahayag ng kanyang dating bandmates.
“I never asked them, they never told me, so this is the first time we actually got to hear what they have to say,” dagdag pa niya.
Dahil sa dokumentaryo, mas bukas na raw si Ely sa pakikinig at pakikipag-usap: “I think I’m more willing to listen and have a conversation no matter how difficult it is.”
Para naman kay Diane Ventura, ang direktor ng pelikula, hindi ito tungkol sa isang simpleng pagkakaayos kundi isang patuloy na proseso.
“I think what I got out of it was healing or it’s not like a destination or a finality, it’s like a work in progress, a process. So it doesn’t mean that they’ve gotten back together and it’s going to be perfect… they’re able to resolve conflict,” saad niya.
Sa tanong kung bakit nagdesisyon silang maging open tungkol sa nakaraan ng banda, ang tugon ni Ely, “I think it was the right time. I mean, I’m turning 55. When you reach that age, you can think of your legacy and kind of trying to right the wrongs you did. I know that’s impossible when you have a lot of regrets, but you can do a documentary…I was willing to open up about the past.”
Bagamat ito na raw ang huling dokumentaryo ni Diane, hindi niya isinasara ang posibilidad ng paggawa ng bagong proyekto tungkol sa Eraserheads in the future.
“In terms of the film, I kind of anticipated people would desire to see them again for more… this is my last documentary. I am going back to narrative features,” sambit ng direktor.
Hirit naman ng dating lead vocalist, “Diane has tried her best to really be comprehensive about it, but… there’s more to tell. Maybe in the future, who knows.”
Sumagot ulit si Diane at sinabing, “I’ll probably make that exception for them, but no other artist. Just them.”
Ang “Eraserheads: Combo on the Run” ay hindi lang para sa fans ng banda, kundi para sa lahat ng mahilig sa musika at nais ma-inspire pagdating sa pagkakaibigan, tagumpay, at muling pagbangon.
Ito ay isang pelikulang magpapakiliti sa ating nostalgia pero higit sa lahat, magpapakita na ang tunay na pagkakaibigan ay maaaring masubok ng panahon, ngunit may pag-asa pa ring muling mabuo.
Ang docu film ay mapapanood sa mga sinehan mula March 21 hanggang 23.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.