Ryan Bang super proud kay Kim at sa HORI7ON; ‘Tag-Dub’ event ng Viu regalo sa Pinoy fans ng mga K-drama
Kim Chiu, Ryan Bang at ang mga Korean stars na bibida sa ‘Tag-Dub’ K-Drama
PROUD na proud ang “It’s Showtime” host na di Ryan Bang sa bagong idol group na HORI7ON na kinabibilangan ng “Dream Maker” Top 7.
“Alam mo, Kimmy, proud na proud ako kasi lahat ng balita sa Korea lumalabas kayo. Proud na proud ako sa inyo, tatak Pinoy,” sabi ni Ryan sa isang episode ng kanilang noontime show.
Bukod kasi sa mga kaganapan sa nasabing reality talent search ng ABS-CBN ay ibinabalita rin sa isang media company sa Korea sina Ryan at Kim bilang mga hosts ng programa.
View this post on Instagram
Nai-feature rin si Kim sa “Dispatch,” na isang online Korean entertainment media outlet, kasama ang mga contenders sa “Dream Maker”.
Ang napiling Top 7 na nanalo sa survival competition series ay ipakikilala bilang idol group sa South Korea pagkatapos nilang sumabak sa matinding training.
Kamakailan, ipinakilala nga sa entertainment press ang Top 7 na siyang bubuo sa bagong grupo na tatawaging HORI7ON na kinabibilangan nina Winston Pineda, Kim Ng, Reyster Yton, Vinci Malizon, Kyler Chua, Marcus Cabais, at Jeromy Batac.
* * *
Speaking of South Korea, patuloy pa ring dumarami ang mga Pinoy na naaadik sa panonood ng K-drama at isa na nga kami diyan. At tulad ng aming mga kapamilya, kapuso at kapatid, favorite namin ang mga Korean series na naka-dun sa Tagalog.
Paborito naming tambayan ay ang Viu, na isang pan-regional OTT video streaming service ng Hong Kong-based na kumpanyang PCCW at meron nang mahigit 100 Asian dramas na naka-dub sa Tagalog at Bisaya.
Para ipagdiwang ang mga bonggang tagumpay, magkakaroon ng libreng “Tagdub” (Tagalog-dubbed)-inspired event ngayong araw February 18 hanggang 19, sa SM Megamall Activity Center.
Ayon kay Mr. Vinchi Sy-Quia, Assistant General Manager ng Viu Philippines, umpisa lamang ito sa pagdaragdag nila ng mas maraming dubbed na palabas.
Aniya, “Ika, nga, ‘we’ve come a long way’ dahil noong November, 2020, kakaunti lamang ang mga dubbed na K-dramas sa Viu. Pero ngayon lumampas na sa 100.
“Patuloy kaming magdaragdag ng dubbed content. Hindi lang mga palabas mula sa Korea ang tinutukoy ko, kundi mula rin sa China, Thailand, at iba pang Asian countries ang aming ida-dub sa Tagalog, Bisaya, at kung papalarin, sa iba pang wika ng Pilipinas.
“Iba talaga kapag nadirinig mo ang iyong paboritong artistang nagsasalita ng iyong wika. Mas enjoy at mas tagos sa puso. Ang aming standard ay nakasaad sa tagline na ‘Swak sa dubbing, swak sa feels.’
“Mapa-Tagalog o mapa-Bisaya, tiyak na aantig sa puso at damdamin ng manonood na Pinoy ang aming mga dubbed na palabas,” aniya pa.
Para lalong mag-enjoy, bukas at libre sa lahat ang Viu Village sa SM Megamall Activity Center. Mag-astang voice actor sa Tagdub booth, i-flex ang inyong galing mag-pares-pares ng drama posters, magpakuha ng litrato sa photo booth, at magkaroon ng pagkakataong manalo ng mga premyo sa interactive games at raffle draws.
At dahil buwan ng mga puso ang Pebrero, ikinakampanya rin ng Viu ang kanilang mga dubbed love stories gaya ng “Hotel Del Luna,” “18 Again,” “Reply 1988,” “Encounter,” “She Was Pretty,” “The World of the Married Couple,” “Dr. Romantic,” “The Last Empress,” at pati na rin ang mga Viu Originals tulad ng “Doom At Your Service” at “River Where The Moon Rises.”
Mayroon din mga series na nasa Bisaya na tulad ng “Descendants of the Sun,” at “My Girlfriend is a Gumiho.” Ang “True Beauty” na ngayon isa sa pinakasikat sa Tagalog dub ay lalabas din sa Bisaya ngayong 2023.
I-download ang Viu app sa Google Play o Apple Store para mapanood nang libre ang iyong paboritong Asian shows, at Tagalog-dubbed at Bisaya-dubbed dramas.
Top 7 ng ‘Dream Maker’ kikilalanin bilang HORI7ON, sasabak sa matinding training sa South Korea
Showbiz couple posibleng mawasak din ang relasyon kapag nagkanya-kanya na ng diskarte sa career
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.