Sylvia Sanchez tinupad ang pangako sa mga drag queen: ‘Mahal ko ang LGBTQ, gusto ko silang ipagmalaki sa buong mundo!’
Liza Dino, Sylvia Sanchez, Ice Seguerra at ang Divine Divas
GUSTONG ibandera ng award-winning actress na si Sylvia Sanchez ang natatanging galing at world-class talent ng mga drag queen sa buong universe.
Isa na ring producer ngayon ang nanay nina Congressman Arjo Atayde at Ria Atayde at isa sa mga sa mga unang pasabog nga ng kanilang Nathan Studios ay ang upcoming “Divine Divas Live” concert.
Bibida rito ang “Drag Queen Philippines” season one winner na si Precious Paula Nicole kasama sina Vina’s Deluxe at Brigiding.
Sa naganap na Fire and Ice Media Production (pag-aari nina Ice Seguerra at Liza Diño) at Nathan Studio presscon, sinabi ni Sylvia na nais niyang makilala ang grupo nina Precious Paula Nicole sa iba’t ibang bahagi ng mundo.
“Naniniwala ako kaya pumayag ako nu’ng sinabi nina Ice na, ‘Nay, produce tayo ng ganito. Gusto mo ba?’ Nag-yes kagad ako. You know why? Kasi may paniniwala ako at bilib ako sa mga LGBTQIA+.
View this post on Instagram
“Kaya nandito ako ngayon sa harap niyo, gusto ko silang ipagmalaki sa buong mundo actually,” sabi ni Ibyang na matagal nang tumutulong sa LGBTQ community.
Pagpapatuloy pa niya, “Huwag tayo mag-neglect ng mga ganitong tao dahil no matter what, tao yan. Kailangan natin silang mahalin at higit sa lahat, baka yung nangmamaliit sa kanila sa kanilang lahat, talo nila at mas magaling sila du’n sa mga ‘yun. ‘Yun ‘yung gusto kong makita rin. Na kahit sino ka, kahit ano ka, dapat tanggapin ka,” aniya pa.
“Ang Divine Divas ay isang malaking dahilan para magdiwang at magpasalamat tayong lahat. Unti-unti na tayong bumabangon kaya todo ratsada at todo ariba tayo sa pagtatrabaho sa darating na 2023.
“Magkalat tayo ng good vibes at kaligayahan kaya naman nandito tayong lahat at kapit-bisig tayo sa pagpapalaganap ng love this 2023.
“Kaya naman eto na tayo sa unang pasabog ng Fire and Ice at Nathan Studios for 2023.
“Magkikita tayo sa New Frontier theater sa February 10 para sa big concert ng Divine Divas. Mabuhay ang mga drag queens at happy New Year at God bless sa ating lahat!” masayang pahayag pa ni Sylvia.
Mommy Divine ipinagtanggol ng empleyado sa isyung kinasasangkutan: ‘Mabait naman siya’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.