Paolo Contis lantaran na ang relasyon kay Yen Santos, may paandar na dinner date: ‘Happy birthday, my Best Actress!’
Paolo Contis at Yen Santos
MUKHANG lantaran na nga ang relasyon ng controversial rumored couple na sina Paolo Contis at Yen Santos.
In fairness, pinusuan at ni-like ng mga netizens ang latest Instagram post ng Kapuso actor at TV host kung saan makikita nga silang magkasama sa litrato ng dating Kapamilya actress.
Kuha ang nasabing photo sa 30th birthday salubong ni Yen kagabi kung saan nag-dinner date nga sila ni Paolo. Kahapon, November 20 ang eksaktong kaarawan ng aktres.
Maikli pero punumpuno ng pagmamahal ang inilagay na mensahe ni Paolo para kay Yen sa kanyang IG post, “Happy Birthday My Best Actress! (emoji).”
Wala namang binanggit si Paolo kung saan sila nag-date ni Yen para sa kaarawan nito. Pero kung hindi kami nagkakamali, ito na ang ikalawang beses na ipinagdiwang ni Yen ang kanyang birthday kasama si Paolo.
View this post on Instagram
Last year, mainit ding pinag-usapan sa social media ang pagde-date ng dalawa nang pareho silang mag-post sa kanilang Instagram Stories ng isang lugar pero hindi magkasama sa picture.
Hanggang ngayon ay hindi pa rin umaamin sina Paolo at Yen tungkol sa tunay na estado at label ng kanilang relasyon.
Pero kung ang pagbabasihan ay ang latest photo nila sa IG — kailangan pa bang i-memorize yan? Feeling ko, unti-unti na silang nagiging komportable na ibahagi sa publiko ang kanilang pagmamahalan.
Last Thursday nga, November 17, isa si Paolo sa mga pinasalamatan ni Yen nang manalo siyang Best Actress sa 45th Gawad Urian Awards para sa “A Faraway Land.”
Bahagi ng speech ng dalaga,”Hi! Magandang-magandang gabi po sa inyong lahat. Ahhhm, napakalaking blessing po na mabigyan ng magandang proyekto sa gitna ng pandemya.
“2020 po, iyon yung kasagsagan ng pandemya na hindi ko sigurado kung kailan magiging OK lahat.
“Lahat, apektado. Nahinto ang mga trabaho. At dumating po ang A Faraway Land sa akin. Noong in-offer po ito sa akin, inoohan ko agad. At bonus pa na nagawa namin ito sa napakagandang lugar.
“Kaya gusto ko pong magpasalamat sa Mavx Productions, kay Direk Roni (Veronica Velasco), sa staff and crew. Maraming-maraming salamat sa inyo.
“And of course, to my leading man Paolo Contis, sobrang talented, napakagaling na artista. Maraming-maraming salamat sa iyo. Ahhm, I’ll always be your number one fan,” pahayag ni Yen.
Kasunod nito, nag-post agad si Paolo sa kanyang Facebook account para batiin ang aktres, “Congratulations Lilieyen Santos. I’m sooooooo proud of you!! Very well deserved! See you in awhile.”
Kayo dear Bandera readers, ito na nga ba ang hinihintay na tamang panahon nina Paolo at Yen para aminin na sa buong universe na sila’y totoong magdyowa na? At ano nga kaya ang magiging reaksyon ng estranged wife ni Pao na si LJ Reyes?
Paolo kasama ba ni Yen sa kanyang birthday dinner?
Paolo, Yen patuloy na binabatikos ng netizens; pati past statements binabalikan
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.