2 bayan sa Cotabato idineklarang ‘NPA-free’
MALAYA na mula sa mga rebeldeng komunista na “New People’s Army” o NPA ang dalawang lugar sa probinsya ng Cotabato.
Ito ang mga bayan ng Matalam at Mlang, ayon kay 1st Lt. Michael Allan Eugenio ng 90th Infantry Battalion.
Kinumpirma rin ito ng mga konseho ng munisipyo ng dalawang bayan na kung saan ay nagpasa pa sila ng isang resolusyon na nagpapatibay sa idineklara ng militar.
Sabi pa ni Eugenio, “The declaration came after our consistent military operations and efforts in reaching out to the former rebel-influenced communities, sectors, and organizations through the Community Support Program (CSP).”
Nakwento din ni Eugenio na na-”neutralize” ng mga militar ang dalawang unit ng NPA – ang “Guerilla Front 53” sa bayan ng Matalam at “Guerilla Front 72 Mt Alip Command” na nago-operate naman sa bayan ng Mlang pati na rin sa South Cotabato province at ilang bahagi ng Davao del Sur.
Bukod pa riyan, nabuwag din daw ng mga militar ang tatlong “underground mass organizations” na pinamamahalaan ng Kilusang Rebolusyonaryo sa Barangay (KRB).
Ang 90th Infantry Battalion, aniya, ay magpapatuloy sa mga aktibidad upang mapalaya muli labans sa mga rebeldeng grupo ang ibang pang lugar.
Read more:
Mas nakakahawang COVID-19 Omicron ‘XBB subvariant’, ‘XBC variant’ nasa Pinas na
DFA tinatanggap na ang ‘e-PhilID’ sa passport application
Michelle Madrigal nagrebelde sa murang edad: As in self-destructive talaga
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.