‘Magic 8’ official entries ng MMFF na maglalaban sa Disyembre, kumpleto na
PHOTO: Facebook/Metro Manila Film Festival (MMFF) Official
ALL set na ang walong “official entries” para sa “Metro Manila Film Festival” ngayong taon!
‘Yan ay matapos ibandera ng MMFF sa isang Facebook post ang apat na natitirang pelikula na kukumpleto sa “Magic 8” feature film.
Ayon pa sa post, 22 na pelikula ang nagpasa ng “entries,” pero pinagpilian ito base sa “artistic excellence,” “commercial appeal,” “Filipino cultural values,” at “global appeal.”
“The esteemed members of the Selection Committee headed by the multi-awarded and much respected leader of the film industry Boots Anson-Rodrigo chose the Top 8 based on the following criteria – Artistic Excellence – 40%, Commercial Appeal – 40%, Filipino Cultural Values – 10% and Global Appeal – 10%,” sabi sa caption.
Heto ang listahan ng “official entries” sa MMFF ngayong taon na kung saan ang unang apat ay “finished film formats,” habang ang huling apat ay nauna nang nakasali sa listahan na inanunsyo pa noong Hulyo at ibinase sa ipinasa na “script.”
-
“DELETER” na pinagbibidahan ni Nadine Lustre.
-
“FAMILY MATTERS” na pinagbibidahan nina Noel Trinidad at Liza Lorena
-
“MAMASAPANO NOW IT CAN BE TOLD” starring Edu Manzano, Aljur Abrenica at JC De Vera
-
“MY FATHER, MYSELF” nina Jake Cuenca at Dimples Romana
-
“LABYU WITH AN ACCENT” na pinagbibidahan nina Coco Martin at Jodi Sta. Maria
-
“NANAHIMIK ANG GABI” nina Ian Veneracion at Heaven Peralejo
-
“PARTNERS IN CRIME” starring Vice Ganda at Ivana Alawi
-
“MY TEACHER” na bida sina Toni Gonzaga at Joey De Leon
Ang tema ng ika-48th season ng MMFF ay “Balik Saya sa MMFF 2022.”
Ipapalabas ang mga pelikula simula December 25 hanggang January 7 sa mga sinehan nationwide.
Habang ang awards night o “Gabi ng Parangal” ay mangyayari sa December 27.
Hinihikayat ni MMFF Concurrent Acting Chairman Engr. Carlo Dimayuga III ang “moviegoers” na suportahan ang film festival na naging parte na ng tradisyong Pilipino kada taon.
“Let us watch the MMFF in theaters once more. We are happy with the list of entries, which has a wide mix of genres. We are excited and looking forward to MMFF 2022 becoming a success,” sey ni Dimayuga.
Read more:
True ba, gagawin nang 10 ang pelikulang maglalaban-laban sa MMFF 2022?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.