‘Kill plot’ kay ex-President Duterte saan hinugot? – Palasyo
Rodrigo Duterte
WALANG basehan ang sinasabing mga pagbabanta sa buhay ni dating Pangulong Rodrigo Duterte, ayon sa Malakanyang.
Kinuwestiyon ni Palace Press Officer Claire Castro ang pinagmulan ng impormasyon ng kampo ni Duterte, na nagdulot ng pangamba sa Unang Pamilya.
Sinabi pa ni Castro na walang matibay na ebidensiya na may mag pagbabanta sa buhay ng dating pangulo kahit kay Vice Pesident Sara Duterte.
“So, saan lamang po ito nakukuha? Kailangan po natin kasi na mga materyales na mga ebidensya bago po magsagawa ng ganitong mga klase statements, wala pong katotohanan iyan,” diin ng opisyal.
Bukod dito, iginiit ni Castro na hindi maaring ikumpara ang dating pangulo sa yumaong dating Sen. Benigno “Ninoy” Aquino.
Ipinaalala na mismo ni Castro na may naging pagkukumpara si Duterte sa kanya at kay Adolf Hitler.
“Mayroon po siyang sinabi mismo, sinabi pa dito and I quote, ‘Hitler massacred three million. Now there is three million, what is it?
“Three million drug addicts in the Philippines. I’d be happy to slaughter them. At least if Germany had Hitler, the Philippine would have me,'” ayon kay Castro.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.