Chef Jose Sarasola, Maria Ozawa naghiwalay dahil sa COVID-19 pandemic: Hindi naman messy yung breakup
Jose Sarasola at Maria Ozawa
NANG dahil sa COVID-19 pandemic kaya nagkahiwalay ang ex-celebrity couple na sina Chef Jose Sarasola at Maria Ozawa.
Ito ang ibinahagi ng Kapuso actor-TV host at chef nang humarap siya muli sa ilang members ng entertainment media last October 7 kasama si Iya Villania para sa cooking show nilang “Eat Well. Live Well. Stay Well” season 4.
Ayon kay Chef Jose patungkol sa status ng relationship nila ni Maria Ozawa after the breakup, “We’re good, we’re friends. I think the best takeaway after the breakup is that we still maintained the friendship.”
View this post on Instagram
Naging magdyowa ang dalawa noong 2016 pero naghiwalay nga noong December, 2021 pagkatapos ng halos limang taong relasyon.
Sey ni Chef Jose, friend pa rin sila ng kanyang ex-girlfriend dahil naging maayos naman ang kanilang breakup.
“Up to know we’re friends pa naman. Hindi naman messy breakup or like hindi naman nag-unfollow sa IG (Instagram) or mag-block sa Facebook, we’re still good,” sey ng binata kasabay ng pag-amin na hindi na nila kinaya ang long-distance relationship (LDR).
“It’s just really the pandemic that took us apart. There’s no bad blood naman. We’re still friends up to this day naman. But she’s in Japan so hindi rin kami nagkikita rin talaga,” aniya pa.
Walang dyowa ngayon si Chef Jose, kaya naman ibinubuhos niya lahat ng kanyang oras sa pamilya, negosyo at sa trabaho, kabilang na nga riyan ang mga proyekto niya sa GMA tulad ng “Eat Well. Live Well. Stay Well.” season 4.
“Right now I am really focused on work and my career here sa GMA which has been very good. It keeps me busy as well.
“I still have my restaurant sa BF Homes Parañaque, ‘yung Avenue75, it’s still there. It’s just keeping myself busy talaga, working out a lot, more cooking, learning more skills, and running my bar,” sabi pa ni Chef Jose.
Mapapanood na ang season 4 ng “Eat Well. Live Well. Stay Well.” simula sa October 14 and every Friday thereafter at 11:05 a.m..
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.