Donita Rose certified chef na sa Amerika; may mga pasabog kasama si G Tongi

ISA nang chef ang aktres at TV host na si Donita Rose sa Island Pacific Market na may 14 stores sa California at tatlo naman sa Las Vegas, Nevada.

Base sa post ni Donita sa kanyang Instagram account na @dashofdonita, “It’s official! You are now looking @islandpacificmarket’s Corporate R&D Chef. Wait ‘til you see what we’ve been working on together with @gtongi & @maricelaguilar2010 to bring Philippine Cuisine to the next level.

“Check out this article written by @c_douglasmoran for Grocery Dive. https://www.grocerydive.com/news/how-filipino-grocer-island-pacific-is-building-its-private-label-lineup/597745/.”

Nag-comment naman si Krista Ranillo sa post na ito ni Donita, aniya, “Welcome to the family Dee! IP is blessed to have you!”

Si Nino Lim ang CEO at Presidente ng lahat ng Island Pacific Supermarket na asawa naman ni Krista kaya winelkam niya si Donita. Si G Tongi nama ang marketing at branding consultant sa Island Pacific.

Binati rin si Donita ng mga kaibigan niyang celebrity. Sabi ni @anthonypangilinan, “For you we are Happyyyy, Chef Deeeee!! (clapping emoji).”

Tatlong heart emojid naman ang comment ng kapwa aktres at kaibigan niyang Vina Morales.

Sabi naman ni Karylle, “Congrats! (tatlong heart emoji).”

Ayon sa isa pa niyang kaibigan na si Pops Fernandez, “So so happy for you. congrats and Island Pacific made the right choice. God bless!”

Congrats at heart emojis din ang sabi nina Rufa Mae Quinto at Jackie Forster.

* * *
Nakaka-goosebumps ang kaka-release lang na music video ng “Kailangan Kita” na kinanta ng American power belter na si Pia Toscano kasama ang Fil-Am music director na si Troy Laureta.

Sa music video na idinirek ni Ace Barro ng NX Agency Co., makikita si Troy na punong-puno ng emosyon sa pagtugtog ng piano habang buong puso naman ang pagkanta ni Pia sa harap ng simpleng itim na background.

Todo-puri agad ang mga Pilipinong nakanood sa MV na nagpasalamat sa pagpapakilala ni Troy sa OPM sa buong mundo at sa effort ni Pia na mabigyan ng hustisya ang kanta na isinulat ni Ogie Alcasid at pinasikat ni Regine Velasquez.

“Thank you so much Troy for promoting OPM to the international scene and for never forgetting your roots,” comment ni Ian Joseph Tagimacruz sa YouTube.

“For me, this is the best cover of ‘Kailangan Kita.’ It was beautifully arranged and sang. Thank you Sir Troy and Ms. Pia for giving justice to the song. Congratulations!,” sabi naman ni John Enrique Torrazo.

Nauna nang ini-release ni Jake Zyrus ang music video para sa isa pang “KAIBIGAN” track na “Usahay” nitong Pebrero, na nagpapakita ng saya at sakit ng pagmamahal.

Kabilang ang “Kailangan Kita” at “Usahay” sa “KAIBIGAN: A Troy Laureta OPM Collective Vol. 1,” kung saan nagsama-sama ang mga tanyag na mang-aawit sa mundo na sina AILEE, Cheesa, Jake, Matt Bloyd, Nicole Scherzinger, Pia, Regine Velasquez, at Sheléa para awitin ang ilang classic OPM ballads.

Panoorin ang music video ng “Kailangan Kita” nina Troy at Pia sa ABS-CBN Star Music YouTube channel, at pakinggan ang “Kaibigan: A Troy Laureta OPM Collective Vol. 1” sa iba’t ibang digital music streaming platforms.