Liza napasabak sa pagluluto, celeb guest sa cooking show ni Eric Nam

PHOTO: Screengrab from YouTube/JohnMaat

MARAMI ang naaliw sa latest appearance ng aktres na si Liza Soberano na mapapanood online.

Isa kasi siya sa mga naging celebrity guest sa bagong digital cooking series ng Korean-American actor and singer na si Eric Nam –ang “Stop ‘N Snack” na mapapanood sa YouTube.

Sa Instagram, proud na ibinandera ni Liza ang pagiging celebrity sous chef kasama ang food content creator na si Susi Vidal, pati na rin ang executive chef na si Deuki Hong.

Mapapanood sa nasabing episode na nagluto sila ng tinatawag na “dosirak,” isang traditional Korean lunchbox na ang laman ay kanin, karne, gulay at ilang side dishes katulad ng kimchi at itlog na kinailangang i-shake upang maghalo-halo ang ingredients sa loob ng container.

Baka Bet Mo: Liza Soberano nag-enjoy sa ‘long showers’ nila ni Bright Vachirawit

“Can’t believe I was [@Ericnam ‘s] sous chef for a day,” bungad niya sa caption.

Aniya pa, “Watch us take over a food Truck and feed a whole high school football team!”

PHOTO: Instagram Story/@lizasoberano

Ang naging target ng naturang episode ng “Stop ‘N Snack” ay ipatikim ang nasabing putahe sa 50 American high school football players.

Makikita na ilan lamang sa mga naging tasks ni Liza ay maghiwa ng spam at mag-serve ng kanilang niluto sa mga estudyante.

Pero bago pa silang mag-prepare ay nabanggit ng aktres na ilan lamang sa favorite Korean food niya ay ang sundubu o spicy tofu stew at ang yukgaejang o spicy beef stew.

Ang 27-year-old actress ay kasalukuyang sumusubok ng karera sa Hollywood at South Korea.

Magugunitang tumampok siya recently sa Korean digital game show na “Hwaiting.”

Nagkaroon na rin siya noon ng Hollywood project kung saan naging supporting siya sa comedy film na “Lisa Frankenstein” na pinagbibidahan nina Kathryn Newton and Cole Sprouse.

Bukod diyan, buminda rin siya sa music video ng “Long Showers,” ang single ng Thai actor-singer na si Bright.