Juliana Parizcova hinanap ng madlang pipol sa Miss Q&A All-Star
MULI na namang hinanap ng madlang pipol ang “Miss Q&A” season 1 grand winner na si Juliana Parizcova Segovia sa naganap na pagpapakilala ng mga sasalang sa “Miss Q&A Queen of the Multibeks All-Star Warlahan” sa “It’s Showtime”.
Noong Sabado, October 1, ay muling napanood ang mga dating kalahok na sina Brenda Mage, Odessa, Manny Dionisia, Ralph, Jewel, Marigona, Elsa Droga, at iba pa.
At bilang isa sa mga tumatak sa naturang patimpalak, hindi mapigilan ng madlang pipol si Juliana sa mga nagbabalik “It’s Showtime”.
Nag-post rin sa kanilang Facebook page ang “It’s Showtime” ng mga larawan ng mga resbekis na sasalang sa allstar game.
“Kabahan na kayo sa talakan at tawanan na kaganapan! Abangan ang tapatan sa kudaan ng Miss Q and A All Starwalahan! #ShowtimeMQAallStarwarlahan,” saad nito sa caption.
At maski nga sa naturang post ng noontime program ay kapansin-pansin ang mga tanong patungkol sa kung nasaan si Juliana
“Asan yung Unang Reyna di invited?” saad ng isang netizen.
Comment naman ng isa, “Juliana left the universe.”
May mga netizens naman na nagtanggol sa season 1 winner at sinabing kaya wala ito dahil hindo na kasama sa mga nagbabalik ang mga nagwagi na sa pa-contest.
Maski si Lars Pacheco ay hinahanap rin ng mga netizens ngunit hindi rin ito kasali.
Hindi naman ito ang unang pagkakataon na hinanap si Juliana sa “It’s Showtime”.
Noong magbalik ang season 3 ng Miss Q&A ay absent rin ito sa opening production number na ikinataka ng netizens.
Pagkukuwento ni Juliana, wala raw nag-imbita sa kanya mula sa mga staff ng “It’s Showtime” at hindi rin daw siya aware na magkakaroon ng bagong season ang Miss Q&A.
Hindi na rin daw niya inaasahan na magiging parte siya ng opening number para sa season 3 ng “Miss Q & A”.
View this post on Instagram
“Parang in-expect ko na rin naman na. Kasi nung na-confirm ko… Noong una kasi puro chika chika lang na babalik ang Miss Q&A so nung nag-message sa akin si Lars, tinatanong kung kasama ako ng Monday sa opening prod, doon ko na-confirm na meron pala talagang Miss Q&A na bago,” lahad ni Juliana.
Dagdag pa niya, “Pero ako kasi feeling ko hindi na rin ako umasa na magiging part ako ng season 3 kasi my ilang taga-Showtime na in-unfriend na rin ako, mga ibang staff, so feeling ko hindi na rin talaga mangyayari.”
Related Chika:
Miss Q&A Juliana Parizcova hinampas ng trophy sa ulo; kontra sa pagsali ng trans sa Miss U
Juliana Parizcova Segovia may bwelta sa kasamahang sasampalin daw siya: Tuparin mo po yan!
Juliana Parizcova hindi umasang mapapasama sa ‘Miss Q&A’, thankful pa rin kay Vice Ganda
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.