‘History’ hugot ni Dawn Chang: Bago magsalita, mag-aral ng kasaysayan, para may tamang ambag sa lipunan
MAGING ang dancer-actress na si Dawn Chang ay may pangaral sa kapwa aktres na si Ella Cruz ukol sa naging pahayag nito ukol sa kasayasayan.
Kasabay ng patuloy na pag-trending ni Ella sa social media ay ang pagbibigay aral ng Kapamilya actress sa kapwa Pilipino.
“Mahirap maging pag-asa ng bayan, kung ang ating kasaysayan ay sadyang kakalimutan,” saad ni Dawn.
Dagdag pa niya, “As Filipinos, we need to collectively help each other learn the lessons frm the past, so we can have a better future ahead. Bago magsalita, mag-aral ng kasaysayan, para may tamang ambag sa lipunan.”
Hindi lang si Dawn ang naglabas ng pahayag ukol sa trending issue ngayon kung saan ikinumpara ni Ella ang kasaysayan sa tsismis.
Mahirap maging pag-asa ng bayan, kung ang ating kasaysayan ay sadyang kakalimutan. As Filipinos, we need to collectively help each other learn the lessons frm the past, so we can have a better future ahead. Bago magsalita, mag-aral ng kasaysayan, para may tamang ambag sa lipunan.
— Dawn Chang (@thedawnchang) July 3, 2022
“History is like chismis. It is filtered and dagdag na rin, so, hindi natin alam what is the real history. Andoon na iyong idea, pero may mga bias talaga… As long as we’re here alive at may kanya-kanyang opinion, I respect everyone’s opinion,” saad ng dalaga nang tanungin siya sa mga natutunan niya sa kanyang upcoming film na “Maid in Malacañang”.
Kaya naman marami rin sa mga netizens at celebrities gaya ni Dawn ang nagpayo at nagpaabot ng mensahe kay Ella gaya na lang nina Pokwang at Agot Isidro.
Talak ni Pokwang, “nak Ella Cruz tanggap ko pananaw mo sa politika at respeto ko ang sino man sinuportahan mo, pero sa usaping HISTORY, di ako sasang ayon sayo nak dahil mali! maling mali… mabuti pang ibalik na kitang muli sa dagat nak mayaman sa iodin[e] ang dagat nakakatalino daw yan.”
“Ella, I love you and you’re the sweetest. (serious ako. she really is.) Next time, puede tayong sumagot ng, ‘No comment.’ Again, mahal kita,” sey naman ni Agot.
Related Chika:
Dawn Chang kasama sa cast ng ‘Darna’ TV series, netizens nag-react: Anong role mo dyan?
Ella Cruz sa mga natutunan niya sa ‘Maid in Malacañang’: History is like tsismis
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.