Belle Mariano may pa-birthday surprise kay Donny Pangilinan

ISANG birthday surprise ang regalo ni Belle Mariano para sa kanyang ka-love team na si Donny Pangilinan na nagdiwang ng kaarawan kahapon, February 10.

Sa kanyang Instagram story ay ibinahagi ng aktres ang isang polaroid photo kasama si Donny at may mga pa-balloons pa.

Nangyari ang birthday surprise habang nasa set sila para sa season 2 kanilang hit series na “He’s Into Her”.

Bukod kay Belle, may inihanda ring sorpresa ang mommy ni Donny na si Maricel Laxa dahil sinigurado niyang makakasama niya ang anak sa espesyal nitong araw kahit saglit lamang dahil nasa lock-in taping ang aktor.

“My birthday boy! Walang distansyang malayo para sa minamahal ko. Pero social distancing at ingat bilang respeto sa mga naka-lock in din tulad niya,” saad ni Maricel sa kanyang Instagram post.

Dagdag pa niya,”Sa lahat na sumusuporta at nagmamahal kay Donny, maraming salamat. I thank you all for all your greetings and special gestures of love. I am still in awe at what the Lord is doing to him and through him. It is a joy and a privilege to celebrate today – Donny’s birthday. I am truly humbled to call him my son. My heart is full. Happy Birthday Donny!”

“I love you mommy thanks for visiting the set,” reply naman ng aktor sa post ng ina.

 

View this post on Instagram

 

A post shared by Maricel Laxa-Pangilinan (@mommymaricel)

Ilan pa sa mga bumati sa aktor ay sina Kristel Fulgar, AC Bonifacio, KC Concepcion, Daniel Miranda, Jerome Ponce, Ricci Rivero, Jake Ejercito at marami pang iba.

Labis naman ang pasasalamat ni Donny sa lahat ng mga nakaalala sa kanyang kaarawan.

“Thank you for all the greetings I love you guys, blessed to be a year older,” sey ng binata.

Related Chika:
Donny proud na proud sa ‘He’s Into Her’, pero umaming nape-pressure dahil…
Belle, Donny ayaw pang ‘maghiwalay’, gusto pang makagawa ng maraming proyekto