Belle Mariano kay Robi Domingo: ‘My true fans will not harm you in any way’

Belle Mariano, Robi Domingo

IBINUNYAG ni Robi Domingo na kinamusta siya mismo ng aktres na si Belle Mariano matapos makatanggap ng pagbabanta mula sa isang netizen.

Kwento ni Robi sa interview ng ABS-CBN News, ang pag message sa kanya ni Belle ay bago pa siya dumulog sa National Bureau of Investigation (NBI) nitong February 27.

“I was surprised and happy na nag-message sa akin si Belle, saying na, ‘Hi Kuya I hope you are okay!’” sey ng TV host.

Chika pa niya, “She was so nice for telling me na, ‘Rest assured my true fans will not harm you in any way, hindi sila ganun. They love you and respect you a lot, if you need something let me know.’ And I told her the whole story and actually we’re so okay, we’re in-sync. Kaya doon ko siya mas na-appreciate.”

Baka Bet Mo: Robi Domingo dumulog sa NBI: Every action has consequences

Magugunitang pumalag si Robi sa isang comment ng basher na nagbantang makakatanggap ito ng malalang pamba-bash mula sa solid supporters ni Belle sakaling asarin niya sa isa’t-isa sina Kathryn Bernardo at Donny Pangilinan.

Kung matatandaan, sina Kath at Donny ang magsisilbing bagong hurado ng upcoming new season ng “Pilipinas Got Talent” (PGT), kasama sina Eugene Domingo at ang returning judge na si FMG.

Habang sina Robi at Melai Cantiveros naman ang magiging main hosts ng nasabing show.

Anyway, inamin ni Robi na kaya siya dumulog sa NBI ay dahil nagkataong pagod siya that time at napikon sa kanyang nabasa.

Kwento niya sa panayam, “When I got home, I just checked my own account na there’s a certain troll or basher which I am aware of naman. I did my research, I did my due diligence naman. Alam mo ‘yung mga araw na pagod ka lang tapos napikon ka. 

“Then I consulted Mikee about it, sabi ko, ‘Patulan ko lang okay lang ba?’ Sabi niya, ‘Just ask questions, don’t be direct ‘coz that will just create turmoil and all.’ She was right, I asked questions and it did create a lot of things with the fans of Kathryn, and DonBelle, and then ang dami nang nangyari.”

Dagdag niya, “Na-threaten ako…Some people say it can be a minor threat and it’s a troll account. Pero I hope this sets an example na minor or major threat, troll or not, you have to take accountability of your actions –online or offline.”

Ayon kay Robi, sinigurado na niyang maging ligtas, lalo na’t madalas siyang lumalabas dahil sa mga dinadaluhang events at live shows.

“Baka may certain person na [may gawin] ‘yung nagbanta. So it’s not really my security, but the security of the people around me, my family, my loved ones, my friends…So I’m just taking the extra measure lang,” wika niya.

Bandang huli, nagpasalamat ang TV host sa NBI na tinulungan siya sa mga proseso na dapat gawin.

“It’s up to them kung ano mangyayari, but ako I did my part and hopefully everyone, especially in the age of social media, please do your part and please be responsible,” mensahe pa niya sa madlang pipol.