Robi Domingo nang kuning host sa PGT: I feel like I don’t deserve this!
Robi Domingo at Melai Cantiveros
APRUB na aprub sa madlang pipol ang pagkakapili kina Robi Domingo at Melai Cantiveros bilang bagong hosts ng bagong edition ng “Pilipinas Got Talent” ng ABS-CBN.
In fairness, pak na pak naman talaga ang tandem nina Robi at Melai pagdating sa pagho-host na sinubok na rin ng panahon sa ilang TV show ng Kapamilya Network.
Kaya naman abot-langit ang pasasalamat nina Robi at Melai sa mga bossing ng ABS-CBN dahil sila ang pinagkatiwalaan na maging host ng 7th season ng nasabing talent competition.
“It will be a priviledge kasi growing up, isa sa mga iconic shows ng ABS CBN [ang] ‘Pilipinas Got Talent,’ lalo na with the Luis-Billy tandem,” ang pahayag ni Robi sa panayam ng ABS-CBN na ang tinutukoy ay ang past hosts na sina Luis Manzano at Billy Crawford.
Baka Bet Mo: Kathryn, Donny, Eugene, FMG sanib-pwersa bilang mga hurado ng ‘PGT’
“When they asked me to do it, no questions asked, I said yes. At nu’ng tinanong kung sino ang makakasama, unfortunately…” ang pabitin na sabi pa ni Robi.
Kaya naman nag-react agad si Melai, “Ha! Bakit parang hindi ka masaya?”
Pagpapatuloy pa ni Robi, “Noong tinawagan ako, parang hindi pa na-reach kasi check operator services. Sabi ‘PGT,’ wag kang maniwala, ‘PGT’ ibigay sa akin, eh, pwede pa ko sa mga pang-barangay na show.
“Then suddenly, it’s magic, ayon na nga, ‘PGT’ na daw. I feel like I don’t deserve this!” ang pagbabahagi pa ng TV host.
View this post on Instagram
Feeling din ni Robi, swak na swak ang tandem nila ni Melai bilang mga host ng “PGT”, “Ang sarap ng pakiramdam na ang kasama ko ay yung palagi ko nang kabatuhan, kaokrayan.”
Hirit naman ni Melai, “Sobra akong thankful kay Robi D kasi I think si Robi D is the one na nag-suggest sa akin. Kasi nga puro kami maloko sa ‘PBB,’ so they want to try. Sumugal sa amin. We will do our best.”
Bukod dito, excited na rin sila sa line-up ng mga contestant, “Yung mga performances, kasi nasala na ng ating mga staff and crew. Excited silang ipakita sa atin yung mga performance na nasala nila kasi talagang mind-blowing, eto ha kahit walang mind, blowing talaga!”
Sey naman ni Robi, “Yung relationship namin together with the judges, nandoon din. There is friendship on and off cam, so baka pwedeng humirit.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.