Kathryn, Donny, Eugene, FMG sanib-pwersa bilang mga hurado ng ‘PGT’ 

PHOTO: Facebook/Pilipinas Got Talent

BAGONG set of judges ang babandera sa bagong season ng “Pilipinas Got Talent” (PGT) makalipas ang pitong taon.

Ang mga napili ay walang iba kundi sina Kathryn Bernardo, Donny Pangilinan, at Eugene Domingo!

Makakasama nila ang returning judge at business executive na si Freddie “FMG” Garcia.

Ang exciting news na ‘yan ay inanunsyo mismo ng official social media pages ng PGT noong Biyernes, February 21.

Baka Bet Mo: PGT finalist Joven Olvido arestadong muli dahil sa ilegal na droga

Sa interview ng TV Patrol, inamin ni Kathryn na nasasabik na siya sa mga mangyayari, lalo na’t ito ang first time niyang maging hurado sa show.

“It’s something that I want to experience because it’s another first for me,” sey niya.

Wika pa ng award-winning actress, “I think it’s a good breaker after doing ‘Hello Love Again’ and before I start a new project.”

Si Donny naman, looking forward na sa Pinoy talents na bibida sa entablado para sa bagong season.

“Nag-break tayo ng seven years since season six. I know there are so many more talents being brought up…I’m just so eager to see what the Philippines has to offer,” sambit niya sa parehong panayam.

“I’m just so glad to be a part of this,” ani pa ng aktor.

Magugunitang nauna nang ibinandera ng PGT ang main hosts nila sa upcoming season na sina Melai Cantiveros at Robi Domingo.

Noong nakaraang buwan, inanunsyo ng PGT na magkakaroon sila ng auditions sa Manila. 

Kahit sino raw ay pwedeng sumali –solo, duo o kahit group performance, at walang age limit. 

Kung matatandaan, taong 2018 nang huling umere ang PGT na ang itinanghal na winner ay si Kristel de Catalina, ang spiral pole dancer mula Antipolo, Rizal.

Samantala, unang emere ang show noong 2010 at ang nagwagi riyan ay ang yumaong singer na si Jovit Baldivino.