SWS: 9 sa 10 Pinoy na-stress sa COVID-19 crisis
Lockdown
SIYAM sa 10 Filipino ang na-stress dahil sa coronavirus disease 2019 crisis.
Ayon sa mobile phone survey ng Social Weather Station, 55 porsyento ang nakaranas ng “napakalaking” stress at 34 porsyento ang nakaranas ng “medyo malaking” stress.
Halos walang stress naman ang naramdaman ng pitong porsyento at walang stress ang pangyayari sa apat na porsyento.
Pinakamataas ang stress na naramdaman ng mga tao na may trabaho pero walang tinatanggap na suweldo at mga tao na nawalan ng trabaho.
Pinakamataas ang stress sa Visayas na naitala sa 63 porsyento, sumunod ang Metro Manila (58 porsyento), Mindanao (55 porsyento) at iba pang bahagi ng Luzon (51 porsyento).
Kinuha sa survey ang opinyon ng 4,010 respondents mula Mayo 4-10.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.