Trulili ba, Bianca Manalo at Win Gatchalian naghiwalay na?
TRULILI kaya ang kumakalat na chika sa social media na hiwalay na umano ang magdyowang sina Sen. Win Gatchalian at Bianca Manalo?
Iyan ang usap-usapan ng mga Marites nang mapansin nilang wala nang ipino-post na mga kaganapan sa kanilang personal life ang senador at ang aktres.
Bukod pa ito sa inilabas ng isang online entertainment site kahapon, January 7, tungkol sa hiwalayan daw ng isang showbiz personality at isang politiko.
Tulad ng pagpansin ng mga netizens, wala raw mga bagong post sa kani-kanilang Instagram page ang magkarelasyon, lalo na nitong nagdaang holiday season.
Baka Bet Mo: Bianca Manalo humingi ng tulong, naiwan ang maleta sa kalsada
View this post on Instagram
Hindi rin nag-post si Sen. Win ng birthday greeting para kay Bianca noong mag-celebrate ito ng kanyang 38th birthday noong November 29. Hindi rin sila nagpa-picture nang magkasama.
Nitong mga nagdaang araw, kapansin-pansin ding walang post sa Instagram si Bianca patungkol sa kanila ni Sen. Win. Puro solo na lamang siya sa kanyang mga litrato at video at meron ding mga post kasama ang mga kaibigang girls.
Nang i-check namin ang Instagram account ng senador ay wala rin kaming nakitang post na kasama niya si Bianca sa mga personal niyang lakad at maging sa public events.
May mga nakapansin din sa ipinost ni Bianca last November 29, 2024 sa kanyang Instagram about sa batang Bianca Manalo.
“Don’t worry, little Bianc You’re going to be okay,” ang sabi ng former beauty queen sa kanyang caption.
Kung matatandaan, nasangkot sa kontrobersya si Bianca sa huling bahagi ng 2023, nang kumalat sa social media ang umano’y screenshot ng private conversation nila ng Kapuso actor na si Rob Gomez.
Ito’y habang umeere ang pinagsamahan nilang teleserye sa GMA na “Magandang Dilag” na pinagbidahan ng actress at beauty queen na si Herlene Budol.
Pero balitang hindi naman daw naapektuhan ang relasyon nina Bianca at Sen. Win dahil sa naturang iskandalo. Kasunod nito ang pag-viral ng paghahalikan ng magdyowa na nakunan habang nasa senado noong August, 2024.
Well, abangan na lang natin ang kumpirmasyon o pagdedenay nina Bianca at Sen. Win hinggil sa balitang ito. Bukas ang BANDERA sa magiging pahayag at paglilinaw ng magkarelasyon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.