Mahigit 100 aftershocks naitala matapos ang magnitude 5.6 lindol sa North Cotobato

MAHIGIT sa 100 aftershock ang naitala ng Philippine Institute of Volcanology and Seismology matapos ang magnitude 5.6 lindol sa North Cotabato.

Naramdaman ang lindol alas-8:36 ng gabi at ang epicenter nito ay 15 kilometro sa kanluran ng Makilala, North Cotabato. May lalim itong 10 kilometro.

Nagdulot ito ng Intensity V paggalaw sa Makilala, North Cotabato; Kidapawan City; Koronadal City; at Santa Cruz, Davao Del Sur.

Intensity IV naman sa Magpet, Matalam, Kabacan at Tulunan, North Cotabato; Davao City; Polomolok, Tupi, Tampakan, at Sto. Nino, South Cotabato; Tacurong City; President Quirino, Sultan Kudarat; Glan at Malungon, Sarangani.

Intensity III naman sa General Santos City; Kiamba, Sarangani; Kalilangan at Damolog, Bukidnon; Carmen, North Cotabato; at Bagumbayan, Sultan Kudarat.

Intensity II naman sa Cotabato City; Nabunturan, Compostela Valley; Valencia City; Maramag, Lantapan, Cabanglasan, Kadingilan, at Kibawe, Bukidnon; at Pikit, North Cotabato.

Naramdaman ng instrumento ng Phivolcs ang Intensity I sa Zamboanga City.

Alas-10:12 ng gabi ng maramdaman ang aftershock na may lakas na magnitude 4.8 sa Makilala, North Cotabato at ilan pang mas mahihinang aftershock.

Ngayong alas-8:56 ng umaga nang maramdaman ang magnitude 4.9 aftershock.

Nagdulot ito ng paggalaw na may lakas na Intensity V sa Kidapawan City. Intensity II sa Kalilangan, Bukidnon; Cagayan de Oro City; Davao City. Intensity II sa Tupi, South Cotabato, at Intensity I sa Alabel, Sarangani; Cagayan de Oro City.