Karylle na-meet ang mga bida ng K-Drama na ‘The Divorce Insurance’: ‘Fangirl win!’
PHOTO: Instagram/@anakarylle
Kilig overload ang naramdaman ng TV host-singer na si Karylle matapos matupad ang isa sa kanyang ultimate fangirl dreams.
Ito ‘yung makaharap at ma-interview mismo ang cast ng bagong South Korean drama na “The Divorce Insurance!”
Sa isang Instagram post, hindi pa rin makapaniwala si Karylle na nakasama niya sa personal sina Lee Dong-wook, Lee Kwang-soo, Lee Da-hee, at Lee Joo-bin.
Sa sobrang tuwa, inilarawan pa nga niya itong “dream to reality.”
Baka Bet Mo: Karylle handa nang magka-baby, pero hindi pa buntis: I hate fake news
“Don’t pinch me jebalyo (please)! I’m not dreaming! Nag merge na yung dreams and reality!!” bungad niya sa kanyang caption na punong-puno ng fangirl feels.
Ayon kay Karylle, na-invite siyang pumunta sa Seoul, South Korea para ma-interview ang mga bida ng nasabing serye para sa kanyang podcast na “K’s Drama.”
“I’m very sure it happens because I have two photos to show for it,” pagmamalaki niya.
View this post on Instagram
Sa kanyang YouTube vlog, ipinakita ng TV host ang buong interview kasama ang Korean stars.
Kahit sinubukan niyang maging composed at professional during the interview, inamin niyang hindi niya napigilang maiyak pagkatapos nito.
“It’s embarrassing to admit it because it was an overwhelming sense of joy as a fan of K-dramas,” pag-amin ni Karylle.
Ibinahagi rin niya na ang unang K-drama na napanood niya sampung taon na ang nakakaraan na pinagbidahan ni Dong-wook na siya ring paborito niyang aktor.
Kaya naman sobra ang kanyang tuwa na sa wakas ay nakita ito in person.
“I’m ever so grateful that the person who ushered me into this beautiful K-drama world was right before my eyes…What a feeling. I don’t think I’ll be able to erase that from my mind,” aniya pa.
Ang “The Divorce Insurance” ay isang romantic comedy K-Drama tungkol sa isang genius actuary (ginagampanan ni Dong-wook) at ang kanyang team, habang sinusubukang intindihin ang komplikadong mundo ng divorce para makabuo ng isang kakaibang insurance policy para sa paghihiwalay.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.