Jo Koy naloka sa matinding traffic sa Manila: ‘It’s giving me anxiety!’

PHOTO: Instagram/@jokoy

MUKHANG na-shock nang todo ang Filipino-American stand-up comedian na si Jo Koy nang bumisita dito sa ating bansa kamakailan lang.

Naranasan niya kasi ‘yung matindi at buhol-buhol na traffic sa Manila, habang siya ay papunta sa isang event.

Ibinandera pa nga niya sa kanyang Instagram Stories ‘yung mga kaganapan sa kalsada at ibinida na kasama niya ang kanyang kapatid na si Gemma sa sinasakyan nilang kotse.

“On our way to do press, but this Manila traffic is different,” caption niya sa video.

Baka Bet Mo: Michael V aprub ang Golden Globes performance ni Jo Koy: ‘It’s funny, direct…’

“This is giving me anxiety. I’m sorry. I don’t know how my cousin is doing this,” sey pa niya na tinutukoy ang kanyang pinsan na nagmamaneho ng kanilang sasakyan.

Bukod diyan, ipinakita pa ni Jo Koy ‘yung mga sasakyan na hindi na sumusunod sa markings ng kalsada.

“This is crazy. Philippines, what lines? There are no street lines! If you fit, you go!” wika niya pa habang tumatawa.

Aniya pa, “There are 17 million people on this road right now.”

Mapapanood din na bigla niyang kinausap ang kanyang kapatid dahil tila inaatake na siya ng “anxiety.”

“Gemma, where are we gonna go? There’s nowhere to go!” sambit niya.

Pabiro niya, “Just when you thought they couldn’t put enough people on the road, jeepney brought some more.”

PHOTO: Instagram Stories/@jokoy

Bukod sa mayroong taping dito sa bansa si Jo Koy, ilan pa sa mga naging ganap niya ay ‘yung pagpunta niya sa Bacolod para bisitahin ang kanyang foundation.

Nag-guest din siya sa noontime show na “It’s Showtime,” kung saan nakasama siya sa “Ansabe” segment.

Nakatakdang bumalik si Jo Koy sa bansa sa darating na Hunyo para sa Manila leg niyang “Just Being Koy” tour.