Jo Koy, Chelsea Handler naghiwalay na; ini-record na 1st anniversary video inilabas pa rin
Jo Koy at Chelsea Handler
HINDI na umabot ng isang taon ang relasyon ng komedyanteng si Jo Koy sa kanyang dyowang si Chelsea Handler.
Isang taon na sana sila ngayong 2022 ngunit hindi na nga nila maise-celebrate ang kanilang first anniversary as a couple dahil nagdesisyon na silang maghiwalay.
In-announce ni Chelsea ang malungkot na balita sa kanyang Instagram matapos i-post ang video nila ni Jo Koy na ni-record nila para sana sa selebrasyon ng kanilang unang anibersaryo bilang magdyowa.
“In anticipation of celebrating our first year together, Jo and I recorded this video early, but as many of you have noticed, it is with a heavy heart to announce that we have decided together that it is best for us to take a break from our relationship right now,” ang caption ni Chelsea sa nasabing video post.
Aniya pa, “I know many of you were invested in our love, and I wanted to express to you how much that meant to both of us. How much it still means. And how much I now believe in love for each one of us.”
Sabi pa ni Chelsea, isa si Jo Koy sa mga taong nagpabago sa takbo ng kanyang buhay.
“This man blew my heart open with love and because of him, my life experience has changed forever. To be loved and adored by @jokoy has been one of the greatest gifts of my life.
“He renewed my faith in men, in love, in being 100% who I am, and I’ve never been more optimistic for the future,” lahad pa niya.
Sa huling bahagi ng IG post ni Chelsea, siniguro niyang hindi pa ito ang ending para sa kanila ni Jo Koy, “but a new beginning.”
View this post on Instagram
“It’s a comfort to know that I am still loved and love this man the way the sun loves the moon and the moon loves the sun. YOUR PERSON IS COMING,” sabi pa niya.
Hiling pa ni Chelsea, sana raw kahit naghiwalay na sila ni Jo Koy, suportahan pa rin sila ng publiko, “because you never know what life will bring.”
Ito naman ang mensahe ni Jo Koy kay Chelsea na ipinost niya sa kanyang IG account, “Just want everyone to know that Chelsea and I will always remain great friends and will always have love for one another.
“I’m her biggest fan and I can’t wait for you all to see what she has in store for the future. Keep killing it Chelsea! Mahal kita!” dagdag pa ng sikat na komedyante.
Noong September, 2021 nang aminin nina Jo Koy at Chelsea ang kanilang relasyon. Matagal na raw silang magkakilala dahil ilang beses na siyang nag-guest sa show noon nitong “Chelsea Lately.”
Sumikat si Jo Koy dahil sa kanyang kakaibang atake sa pagpapatawa. Proud din siya sa kanyang Filipino roots dahil madalas niya itong binabanggit sa kanyang major gigs around the world.
Nakapag-perform na siya sa Manila at Cebu noong January, 2020.
Lovi Poe babandera sa Hollywood movie na ‘The Chelsea Cowboy’
Dingdong gustong makasama sa serye si Jo Berry; iniba ang style ng pagho-host sa ‘Family Feud’
Jo Berry pinatunayang hindi lang ‘binabatuk-batukan’, ‘pangperya’ ang mga little people
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.