Ai-Ai delas Alas tuluyan nang nag-move on: I’m ready for what’s next!

PHOTO: Facebook/AiAi Delas Alas

HANDA na sa next chapter ng kanyang buhay ang comedienne-actress na si Ai-Ai delas Alas.

Ito ang ibinunyag niya mismo sa recent Facebook post kaugnay sa panloloko ng kanyang mister na si Gerald Sibayan.

Inihayag ni AiAi na nakapag-move on na siya at lubos na pinasalamatan ang lahat ng nagpaabot ng suporta.

“About my personal life…to the incredible friends and family who’ve stood by me through the hardest moments—thank you for your unwavering support, love, and patience,” caption niya.

Baka Bet Mo: AiAi sa GF ni Carlos Yulo: ‘Kapag ‘di kasama sa interview, ‘wag na umeksena’

Dagdag pa niya, “You’ve helped me find strength when I thought I had none.”

“As I MOVE FORWARD, there’s no looking back. I’ve CLOSED that chapter, and while the past shaped me, it’s time to embrace the FUTURE with hope and healing,” wika pa ng batikang aktres.

Ayon sa komedyana, buo na ang kanyang loob na harapin ang bagong kabanata ng kanyang buhay.

“I’m ready for what’s next, with gratitude for those who’ve helped me rise,” sambit niya sa FB.

Aniya pa, “To GOD be the glory amen.”

Noong nakaraang buwan, kinumpirma ni AiAi na pinawalang-bisa na niya ang petisyong US Citizenship para kay Gerald upang makakuha ng green card at maging permanenteng residente sa United States.

Sa ulat naman ng Philippine Entertainment Portal, ang revocation na inihain ng aktres sa Immigration Services (USCIS) ay dahil sa kanilang paghihiwalay at sa umano’y pagkakaroon ng third party ng estranged husband.

Agad naman itong inaprubahan ng nasabing ahensya.

Bukod dito, hiniling din ni AiAi na bawiin ang anumang work at travel permits na naibigay kay Gerald.

Sinabi rin ng kanyang abogado na kasalukuyang nasa proseso na ang kanilang diborsyo.

Sa isang Facebook post noong March 30, kinumpirma ni AiAi ang mga ulat at muling nagpasalamat sa kanyang pamilya at mga kaibigan na sumuporta sa kanya sa gitna ng pagsubok.

“May mga nagtatanong pa din kung totoo ito. Opo, totoo ito,” saad niya.

Sa isang panayam, inamin ng komedyana na naging mali ang desisyon niyang pakasalan si Gerald na may 30-taong agwat sa kanya.

Ang paliwanag niya, nais niya sanang patunayan noon na “age doesn’t matter,” ngunit kalaunan ay napatunayang hindi ito umubra sa kanyang sitwasyon.

Samantala, hindi pa rin nagbibigay ng anumang pahayag si Gerald hinggil sa isyu.