Japan Visa Centers sa Pinas bubuksan sa April 7, may bagong proseso?
visa application
SIMULA April 7, hindi na dadaan sa accredited travel agencies ang mga Pinoy na nais mag-apply ng visa papuntang Japan.
Sa halip, dapat na nilang ipasa ang kanilang aplikasyon sa Japan Visa Application Center (JVAC) na magbubukas sa limang lokasyon sa buong bansa.
Ang JVAC ay pamamahalaan ng VFS Global, isang pribadong kumpanya na makikipagtulungan sa Embahada ng Japan sa Maynila upang magbigay ng suporta sa visa application process.
“In order to provide better service and convenience to those applying for visas, we have decided to open the JVAC to accept and issue visa applications,” sey sa pahayag ng Embassy of Japan in the Philippines sa kanilang website.
Baka Bet Mo: Chloe San Jose nais ipa-deport ng isang abogado dahil walang ‘working visa’?
Dagdag pa, “This is to further enhance the efficiency and maintain the quality of the visa examination process, as well as to continue strengthening our robust people-to-people exchanges.”
Nabanggit din na may bayad na P520 para sa visa at paggamit ng center, ngunit depende pa ang rate sa nasyonalidad ng aplikante at uri ng visa na ina-applyan.
Narito ang limang lokasyon ng bagong visa application centers:
Cebu City: Faustina Center, Level 6, F. Cabahug Street, Kasambagan
Davao City: Unit FEG 9-10, 2nd Floor, Alfresco Area, Felcris Centrale, Quimpo Boulevard
Makati City: Makati Circuit Corporate Center Tower Two, AP Reyes Street, Theater Drive Circuit
Parañaque City: Parqal Mall, Building 5, Diokno Avenue corner Macapagal Boulevard
Quezon City: Gateway Tower Mall, Araneta City, Cubao
Ang mga visa centers ay bukas mula Lunes hanggang Biyernes, 7:00 a.m. hanggang 4:00 p.m.
Kung matatandaan noong Enero, inanunsyo ng nasabing embassy na ang pagpoproseso ng tourist visa ay tatagal ng dalawang buwan, kumpara sa limang araw noong 2024.
Ngunit ngayon daw ay inaasahang mas maikli ang paghihintay bago makuha ang visa.
“Due to the increasing number of applications, it may take several weeks to process an application for a tourist visa. Therefore, we recommend that you apply well ahead of your travel date,” sey ng Embassy of Japan in the Philippines.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.