KathNiel, KathDen fans ayaw sa chikang may dyowa na na si Kathryn
TILA hindi matanggap ng mga fans ng KathNiel (Kathryn Bernardo at Daniel Padilla) pati na rin ng KathDen (Kathryn at Alden Richards) ang chikang may bago nang nagmamay-ari sa puso ni Kath.
Hanggang ngayon kasi ay patuloy pa ring pinag-uusapan ng madlang netizens ang ispluk ng showbiz insider na si Ogie Diaz patungkol sa lovelife ng dalaga.
Matatandaang noong Huwebes, March 6, ibinandera ng talent manager sa kanyang “Showbiz Update” vlog na na diumano’y may nagmamay-ari na ng puso ng award-winning Kapamilya star.
“Ang sabi sa akin ng aking source […] it’s either November or December [naging sila]. E, no’ng November 13 ipinalabas ‘yong ‘Hello, Love, Again. Siyempre kung ako si Mayor Alcala, hindi ako papasok sa eksena kasi KathDen ‘yan, e. Ito ‘yong kasagsagan ng showing, e. Inabot ng isang buwan ang showing niyan,” saad ni Ogie.
Baka Bet Mo: Kathryn ‘taken’ na raw kaya malabong makabalikan si Daniel, sey ni Ogie
View this post on Instagram
Paglilinaw naman ni Ogie, ang tsikang nakalap niya mula sa kanyang source na magdyowa na sina Kath at Mark hindi pa kumpirmado.
Marami naman sa mga fans ng loveteam ni KathNiel at KathDen fans ang hindi naniniwala sa chika.
“Di ako naniniwalang papatulan ni Kathryn 😂 d yan into politics .. wag kayo!” saad ng isang netizen.
Comment naman ng isa, “As a KathDen fan, this breaks my heart kung totoo pero naniniwala ako sa tamang panahon. Char, iba pala yun.”
“KathNiel pa rin sakalam. Manalig tayo na may second chance. Iba pa rin ang alagang Summer.”
Samantala, wala pa namang pahayag si Kathryn maging si Mark kung totoo nga ba ang chikang may relasyon silang dalawa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.