Vilma sa chikang pinull out sa MIFF ang ‘Uninvited’: Mentorque ang nagtanggal!
Vilma Santos, ‘Uninvited’ poster
PINALAGAN ni Ms. Vilma Santos-Recto ang balitang kumalat sa Amerika na pinull-out ang pelikulang “Uninvited” sa gaganaping 2nd Manila International Film Festival (MIFF) sa Los Angeles, California simula sa March 4 to 7.
Bungad ni Ate Vi, “This is so UNTRUE!!!”
Ni-repost ng Star for All Seasons ang balita mula sa ibang media outlet na nagsasabing tinanggal sa line-up ang pinagbibidahang pelikula at hindi raw ito totoo.
Tuloy ni Ms. Vilma, “Si Bryan Dy, producer ng Mentorque mismo ang nagsabi na sila na ang nag-pull out ng ‘Uninvited’ sa MIFF at ‘di totoo na basta na lang tinanggal sa lists, dahil nga na resched ang date ng MIFF at ‘di na nila maasikaso dahil nga may Barako Festival pa!!! So klaro po huh na ‘di siya tinanggal ng MIFF kundi sila mismo sa Mentorque ang nagtanggal!!!”
Baka Bet Mo: Vilma, Aga, Nadine hindi makakadalo sa MIFF sa US para sa ‘Uninvited’
Matatandaang nasulat namin dito sa BANDERA noong February 25 na base sa post ni Oliver Carnay, ang PR at Events manager/writer/editor/publisher ng www.HollywoodFLIP.com, na naka-base sa Los Angeles ay tinanggal daw ng MIFF sa line-up ang pelikulang “Uninvited.”
Nakuha niya marahil ang balitang ito sa mga tagapamahala ng MIFF dahil nga maraming supporters si Ate Vi na dismayado dahil nakabili na sila ng tickets, nakapagpa-reserve na ng hotels na tutuluyan dahil taga-ibang estate sila sa US at naka-book na rin sila ng airfare.
Ang eksaktong bahagi ng post ni Oliver, “The Star for All Seasons -Ms. Vilma Santos-Recto’s Metro Manila Film Festival (MMFF) and Manila International Film Fest (MIFF) entry ‘When I Met You In Tokyo’ won the Best Actress Award for both film festivals. Unfortunately, her latest MMFF movie entry ‘UNINVITED’ was recently pulled out from the MIFF list.
“I personally received text messages from U.S. fans of ‘Ate Vi’ that they are very disappointed to read on MIFF website that the film won’t be showing anymore as they have already bought tickets, including airfare tickets, and accommodation in L.A.. Since January, camps from Santos-Recto already said it is impossible for her to attend MIFF. Not only she already has a commitment in Manila on March 6, but obviously the midterm election campaign is still ongoing.”
Sa kasalukuyan ay abala si Ms. Vilma sa pag-iikot sa buong Batangas para sa kanyang pagbabalik sa pagka-gobernadora ng lalawigan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.