Chito Francisco humingi ng tawad kay Alex: It was wrong of me

NAG-SORRY na ang comedy writer na si Chito Francisco sa nagawa niyang pangbibintang sa stand-up comedian na si Alex Calleja.

Sa kanyang inilabas na pahayag ngayong araw, February 15, sinabi niyang labis niyang pinagsisisihan ang nagawa niya at ang hindi magandang naidulot nito laban kay Alex.

“I know Alex as a gentle soul, and by making those statements, it was wrong of me to put him in a bad light with false and baseless allegations. Worse, these comments went viral on social media, which led the public to insult him and question his integrity as a writer,”pagbabahagi ni Chito.

Dagdag pa niya, “I was careless and negligent in saying that, and did not realize the extent of the hurt and damage that I caused against Alex, nor the impact that it had on both his personal and professional life.”

Baka Bet Mo: Chito Francisco may parinig kay Alex Calleja, ninakawan raw ng joke?

Kasunod nito ang panawagan niya sa mga vloggers pati na rin sa mga netizens na burahin na ang mga comments sa kanyang naging post patungkol kay Alex na ibinahagi sa social media.

“What I said was wrong, and I would like to minimize the extent of the damage already suffered by Alex caused by my negligence to the best that I can,” sey pa ni Chito.

Umaasa naman siya na sa kanyang public apology ay matatapos na ang naging gulo sa pagitan nila ni Alex.

Matatandaang naging mainit na usapin sa social media ang naging cryptic post ni Chito patungkol sa umano’y joke na ninakaw raw sa kanya ng napanood niya sa Netflix.

Ngunit agad namang naglabas ng resibo si Alex upang patunayan na matagal na niyang nagawa ang joke patungkol sa carwash.

Bukod pa rito ay may iba pang mga tao ang naging patunay ni Alex na matagal na niya itong nabitawan at hindi niya ito ninakaw sa kung sinuman.