Barbie suportado nina Jean at Rita: Napakatapang ng babaeng ‘yan!
Rita Daniela, Jak Roberto, Barbie Forteza at Jean Garcia
“KAYANG-KAYA niya iyan!” ang mensahe ng ilang kaibigang celebrities na nagmamahal sa Kapuso Primetime Princess na si Barbie Forteza.
Dalawa sa mga malalapit na friendship ni Barbie sa mundo ng showbiz ang nagpahayag at nagparamdam ng suporta sa dalaga matapos ang breakup nila ni Jak Roberto.
Ang tinutukoy namin ay ang award-winning seasoned actress na si Jean Garcia at ang Kapuso singer-actress na si Rita Daniela na nalungkot din nang malamang naghiwalay na ang BarDa (tawag sa tambalang Barbie at Jak).
Naging malapit sa isa’t isa sina Jean at Barbie nang magkasama sila sa GMA drama series na “The Half Sisters.” Parang anak na rin daw ang turing ng veteran actress kay Barbie.
Baka Bet Mo: Willie umamin: Mahirap talagang makipag-compete sa mga noontime show, pinagdaanan ko na lahat iyan
“Basta ako, anytime na kailangan lang ako ni Barbie, kailangan niya ng kausap, kailangan niyang mag-vent-out, kailangan niya ang suporta ko, at kailangan niya ng taong makikinig sa kaniya at gusto niya ng shoulder to cry on, nandito lang ako. Alam naman ni Barbie ‘yon,” pahayag ni Jean sa panayam ng “24 Oras.”
Naniniwala naman si Rita na pinaghandaan at pinag-isipang mabuti ni Barbie ang naging desisyon niya na tapusin na ang relasyon nila ni Jak.
View this post on Instagram
“Alam n’yo po, kaya rin kami naging magkaibigan ni Barang, kasi masasabi kong parehas kami ng… siguro ‘yung energy when it comes to people and I guess on also deciding, making decisions.
“Kaya kung ano man yung pinagdadaanan ngayon ni Barang, alam kong napag-isipan na niya nang mabuti ‘yan at napaghandaan niya na ‘yan,” chika ni Rita.
“At, Diyos ko, napakatapang ng babae na ‘yan. Siyempre kailangan niya ng pagmamahal namin at yakap namin, pero alam kong kayang-kaya niya,” dugtong pa ni Rita.
Last Thursday, in-announce ni Barbie na hiwalay na sila ni Jak matapos ang pitong taon nilang relasyon.
Sa naging official announcement ng “Pulang Araw” actress, mukhang maayos naman ang breakup ng dalawa ngunit ang ipinagtataka ng karamihan ay bakit si Barbie lang ang naglabas ng pahayag at nananatili pa ring tahimik si Jak.
Mensahe ni Barbie sa ex-boyfriend, “Having you in my life was the happiest I had ever been. Seven wonderful years. A lot of laughs, a lot of ramen and so much love.
“Your love was exceptional.
“But sometimes, good things fall apart so better things can come together.
“Beautiful goodbye, @jakroberto.
“Thank you for loving me the way you did. I am excited for what’s to come for the both of us. You take care of yourself. May you find the love you deserve.
“I hope for everyone’s understanding and I wish you can help us put this matter to rest,” ang buong pahayag ni Barbie na walang ibinigay na dahilan ng kanilang breakup.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.