Sexy actor may kakaibang baho sa katawan, iniiwasan ng mga katrabaho

Guess, guess, who!? Mahulaan n’yo kaya kung sinetch itetch?

AWARE kaya ang nagpapaseksing aktor na ayaw sa kanya ng mga aktres na nakakasama niya sa kanyang mga acting project?

Wala naman daw problema sa ugali dahil mabait at maayos naman ka-work ang aktor ang kaso may kakaibang amoy daw ito na hindi matagalan ng mga nakakaeksena niya.

“Kahit bagong ligo may amoy na kakaiba hindi namin alam kung saan nanggagaling, hindi naman amoy putok, buong katawan, eh,” kaswal na kuwento ng aktres na nakasama ng aktor.

Minsan na ring nabanggit sa amin ang tungkol sa aktor pero hindi namin binigyan ng pansin dahil balitang nagkaroon sila ng gap ng aktres na kaeksena niya.

Baka Bet Mo: Niña Jose sa viral ‘amoy maasim’ comment: Nagpakatotoo lang!

Pero ngayong nasa tatlo na ang nakausap naming inirereklamo ang kakaibang amoy na aktor ay naniniwala na kami dahil iisa ang kanilang kuwento.

Bigla tuloy naming naalala ang blind item ng kilalang radio host na nu’ng pumunta siya sa bahay ng aktor para sa one-on-one interview kasama ang kanyang cameraman ay hindi sila nakatagal sa loob ng bahay dahil nasusuka sila.

Sa isang restaurant na lang daw nila niyaya ang aktor para sa exclusive interview nila para hindi masayang ang oras nila.

Tinanong namin ang radio host kung ano ang reaksyon ng aktor nang mag-change venue ang kanyang panayam, “Wala, parang hindi niya alam kasi sabi namin medyo madilim sa loob bahay niya, dedma lang.”

Wala muna kaming masyadong ibibigay na clue, basta galingan n’yo na lang ang inyong pang-amoy dahil siguradong mahuhulaan n’yo rin kung sino ang aktor na bida sa ating blind item.