SB19 Justin ibinandera ang insecurity: ‘Cute daw, pero gusto kong ma-perfect’
SB19
NAG-OPEN UP si Justin, ang isa sa miyembro ng P-Pop powerhouse na SB19, patungkol sa kanyang insecurities sa bagong iniendorsong dental brand.
Kasama ni Justin ang fellow members ng grupo na sina Stell, Pablo, Ken, at Josh bilang bagong celebrity ambassadors ng Novodental clinic.
View this post on Instagram
Dito nabanggit ni Justin ang kanyang malaking bunny teeth smile na laging napapansin sa kanya.
“…’Cause I have this huge bunny-teeth smile. Although maraming nagsasabi na cute, syempre gusto ko pa siya ma-perfect,” pagbabahagi niya.
Chinika rin ni SB19 Josh ang kanyang dental insecurity, “Kasi overbite din ako at gusto ko ma-try magpantay-pantay ‘yung gums ko.”
Nabanggit ng grupo kung gaano kahalaga ang oral health sa kanilang confidence at success bilang super P-pop group.
Nais ngayon ng grupo na paigtingin ang pag-promote sa dental health awareness para sa bawat pamilyang Pilipino dahil nakikita nila kung gaano ito kahalaga sa kanilang performances.
View this post on Instagram
“As singers, mahirap kumanta kapag may problem ka na dinadala sa mouth mo. Very meticulous ako sa performance. Pag ‘di ko nabibigay ‘yung best ko, napanghihinaan ako ng loob. Kailangan talaga yung oral hygiene. Visit your dentist at least twice a year and don’t ever self-diagnose kasi delikado ‘yan,” sey ni Pablo.
Sundot naman ni Stell, “Important siya for us kasi lagi kaming may mine-meet na iba’t ibang tao, brand partners, and fans. Dapat maganda experience so important talaga siya na laging presentable, ‘di lang yung physical, pero ‘yung aming oral health para sa mga fans na nakakahalubilo namin throughout the day.”
BAKA BET MO: Ryan pinabilib ang mga kapwa celebs sa ‘DIY’ na pagbunot sa ngipin ni Luna
Para naman kay Ken, best weapon ng isang tao ang kanyang mga ngiti.
“When I see someone na maganda ‘yung ngiti, nakaka-brighten siya ng atmosphere. Having a very beautiful smile can change someone’s mood,” paliwanag pa niya.
Kaisa na ngayon ng P-pop Royalty SB19 ang Novodental sa pagbabahagi ng halaga ng dental care sa Pilipinas.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.