Carlos wish magka-baby kay Chloe: Gusto ko pong maging tatay!
Chloe San Jose at Carlos Yulo
DIRETSAHANG sinabi ni 2-time Olympic gold medalist at Filipino gymnast na si Carlos Yulo na gusto niyang magkaroon ng baby.
Isa raw iyan sa talagang mga pinapangarap niya sa buhay at sana raw ay biyayaan sila ng kanyang girlfriend na si Chloe San Jose ng sarili nilang anak pagdating ng tamang panahon.
Sa interview episode ng “Toni Talks” kay Caloy, naitanong sa kanya ni Toni Gonzaga kung ano nga ba ang naibibigay ng relasyon nila ni Chloe sa kanilang personal lives.
Sagot ni Carlos, “Peace and ‘yung motivation na gawin ‘yong mga gusto kong gawin sa buhay ko po.”
Baka Bet Mo: Angelica, Eldrew madiskarteng mag-ina, live selling sa FB patok
Dugtong pa ng Pinoy champion, “And siyempre like in the future, kung magkapamilya na po kami. Kasi gusto ko pong magkaroon ng baby po. Gusto kong maging tatay po, e.”
View this post on Instagram
Reaksyon naman ni Toni sa naging pahayag ni Carlos, “Ready ka na at 24?”
“In the future naman po,” nangingiting sagot ni Caloy.
Sey pa ng Pinoy Olympian, masasabi niyang si Chloe na ang kanyang “the one” at palagi niyang ipinagdarasal na sana’y pang-forever na nga ang pagsasama at pagmamahalan nila ng kanyang girlfriend.
Sa panayam pa rin ni Toni, binalikan ni Chloe kung paano nagsimula ang love story nila ni Carlos. Muling ikinuwento ng dalaga na siya ang unang gumawa ng move para magkakilala sila ni Caloy.
Nauna rito, naibalita na rin namin ang naging sagot ni Carlos sa tanong ni Toni na, “Kasi we are hearing one side of the story, but you are not sharing your side of the story. Bakit?”
Sagot ng binta, “Personal po kasi masyado eh. Like, hindi na rin po para malaman ng tao, ng buong sambayanan yung nangyari.
“Basta ako, alam ko po sa sarili ko, sa puso ko na napatawad ko sila and inamin ko sa sarili ko na nagkamali ako.
View this post on Instagram
“Kinarma na ako kasi mali nga naman na sagutin mo sila ng ganu’n, na…siyempre emosyonal ka na po, eh. Gusto mo ipaglaban yung sarili mo and yung relationship niyo.
“Alam ko kung ano yung mali ko, tinanggap ko yun, ipinagdasal ko yun kay Lord, humingi ako ng tawad,” mahabang tugon ni Carlos.
Nauna rito, may FB follower naman si Chloe na naniniwalang darating din ang panahon na magkakasundo rin sina Carlos at mga parents niyang sina Mark Andrew Yulo at Angelica Yulo.
“Try to reunite and compromise with Caloy’s family. Chloe Anjeleigh San Jose you both will be blessed more,” payo ng isang netizen.
Ang makahulugang sagot sa kanya ni Chloe, “Reunion and compromise isn’t going to happen when the other party’s not willing to do so too.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.