Alice Guo tumakas ng Pinas noon pang Hulyo patungong Malaysia
GALIT na galit ngayon ang sambayanang Filipino dahil nagawa na ngang makalabas ng bansa ang tinanggal na mayor ng Bamban, Tarlac na si Alice Guo.
May standing arrest warrant sa Senado si Guo matapos itong tumanggi na dumalo sa mga hearing hinggil sa operasyon ng illegal Philippine offshore gaming operators (Pogo) sa bansa.
Ibinuking ni Sen. Risa Hontiveros na nakalabas na ng Pilipinas ang dismissed mayor noon pang July 18 at nakapunta sa Kuala Lumpur gamit ang kanyang Philippine passport.
“I am now in receipt of information that, in fact, this person was already out of the country on July 18, 2024, to Kuala Lumpur. She entered (Malaysia) 12:17:13 of July 18,” sabi ng senador sa isang manifestation sa Senate plenary session.
Baka Bet Mo: Alice Guo pinagtripan ng netizens: Nasa Shenzhen sorting center
View this post on Instagram
Aniya pa, “It cannot be denied that this is her because it matches her Philippine passport.” Ipinakita ni Hontiveros ang isang litrato ng dokumento ni Guo, kabilang na ang kanyang Philippine passport.
Kinumpirma rin ng Bureau of Immigration (BI) ngayong araw na nakalayas na ng bansa si Guo sa ilegal na pamamaraan. Ibig sabihin, hindi siya dumaan sa tamang proseso ng Philippine immigration.
“We received intelligence information from our counterparts abroad that Guo illegally left for Malaysia and then flew to Singapore,” ayon kay Immigration Commissioner Norman Tansingco base raw sa pahayag ng kanilang “very reliable sources.”
Ayon sa ulat, lumipad ang tinanggal na alkalde patungong Singapore kasama sina Shiela Leal Guo at Wesley Leal Guo noong July 21.
Pero nilinaw ni Tansingco na habang nasa listahan siya ng immigration lookout bulletin order (Ilbo) mula sa Department of Justice (DOJ), “her supposed departure was not recorded in the bureau’s system or centralized database.
“So far, we have not received any turnover or reports related to Guo from other agencies, including those manning our maritime borders,” ayon pa sa BI chief.
Ayon naman sa spokesperson ng Presidential Anti-Organized Crime Commission na si Winston Casio, base sa nakuha nilang impormasyon mula sa kanilang “foreign counterparts’ immigration records,” dumating si Guo sa Kuala Lumpur noong July 18.
Nakarating si Guo sa Singapore mula sa Malaysia noong July 21, at nagtungo sa Batam, Indonesia sa pamamagitan ng pagsakay sa ferry noong August 18.
Nauna rito, nabanggit din ni Hontiveros, na pagkagaling sa Malaysia, nagtungo si Guo sa Singapore para i-meet ang kanyang mga magulang na sina Guo Jian Zhong at Lin Wen Yi, at mga kapatid na si Wesley Guo at Ong.
“Mr. President (Pangulong Bongbong Marcos), who allowed this travesty to happen? Who is responsible for this?” she asked, stressing that Guo would not have been able to leave the country without the help of certain government officials.
“I have always believed that legislative hearings are policy-driven. That’s why when the President announced a ban (on Pogos), I said, we have done our jobs, let law enforcement take the lead,” sabi ng senador.
“But what if the law enforcement itself needs to be investigated? What if they dropped the ball? What if they are the ones that should be held responsible?” aniya pa.
“Mr. President, if we don’t do anything about this, as an institution, as a country, it’s like we’ve been allowed to be slapped by this foreigner, who has repeatedly violated our laws, policies and processes,” saad pa niya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.