Maxine Medina mommy na, 1st baby ipinasilip: Our little miracle!
PHOTO: Instagram/@maxine_medina
ISA nang ganap na ina si Miss Universe Philippines 2016 Maxine Medina matapos isilang ang first baby nila ng non-showbiz husband na si Timmy Llana.
Ang masayang balita ay ibinandera mismo ni Maxine sa kanyang Instagram page kung saan makikita ang pictures ng mag-asawa habang nasa ospital, pati na rin ang ilang pa-face reveal ng kanilang newborn baby.
Pagpapakilala pa ng beauty queen, ang baby boy nila ay si Timothy Mateus Ezekiel.
Caption ni Maxine sa post, “First glimpse of our little miracle.”
Baka Bet Mo: Maxine, Timmy nagtatalon nang malamang baby boy ang magiging anak
View this post on Instagram
Sa comment section, maraming kapwa-celebrities at beauty queens ang nagpaabot ng “congratulatory” messages sa first time parents.
Kabilang na riyan sina Cassy Legaspy, Cynthia Thomalla, Kitkat, Ariella Arida, Ruffa Gutierrez, Rodjun Cruz, Sanya Lopez, Nicole Crodoves, Dani Barretto, at marami pang iba.
“I’m so sooo happy for you and Timmy!!! [heart emojis] Can’t wait to see you guys and Baby Z! [heart, crying emojis] Congratulations [heart emojis],” sey ni Ariella.
Komento naman ni Rodjun, “Wohooo!!! Hello baby Zeke! [smiling face with heart eyes emoji] congratulation Miks & Timmy! [emojis]”
Lahad ni Cassy, “Congratulations daddy chimmy chimmy cham cham and mommy HeyHey!!!!! [holding back tears, heart hands emojis].”
Kung maaalala, dalawang beses ikinasal sina Maxine at Timmy last year –ang una ay church wedding na ginanap sa Rizal habang ang sumunod ay isang beach wedding sa Palawan.
Nitong Pebrero lang nang inanunsyo ng mag-asawa na buntis si Maxine sa panganay nilang anak, habang hawak ang resulta ng sonogram.
“Our hearts are bursting with so much love and excitement as we begin this incredible journey into parenthood,” sey ng actres- beauty queen sa dating post.
Aniya pa, “Thank you Lord and oh I just wanna share, it’s true that you’ll cry when you hear that first heartbeat. Yes, it was so precious.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.